Kolose 4:6 - Tedim Bible

⁶ Kam na pau uh ciangin mi’ zaknop, mi’ ngaihnop dingin na pau un. Tua hileh na kihopih uh mite khempeuh a dingin phattuamna a nei kam a pau na hi ding uh hi.

Tedim Bible Revision 2017

⁶ Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Kolose 4:6 Referans Kwoze

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngahtheih nadingin na-in a kimang kam hoihte bek na pau un.

1 PETER MASA 3:15

Na lungsim sung uhah Khrih zahtakbawl unla, amah Topa-in nei un. Note’ lametna thu a hong dong a omkhak leh hoihtakin a genthei dingin kiging tawntung unla, ahi zongin lungnemna le zahtakna lim tawh gen un.

Thuhilh-sia 10:12

Mipilte’ kampauna in pahtawina ngahsak a, mihaite’ kampauna in amau mah siasak hi.

Marka 9:50

Ci hoih hi; ahi zongin a alna mang leh bangci alsakkik thei ding na hi uh hiam? Note in ci al bangin hoihna nei unla, khatlekhat kilem un,” a ci hi.

Paunak 15:4

Kam khum in nuntakna piangsak a, kam sia in lung gimsak hi.

Paunak 15:7

Mipilte’ kampauna in pilna khangsak a, mihaite’ lungsimah thuman lohna bek om hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Mattiu 5:13

“Note pen leitung mite a dingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, mite’ tuatcilgawp dingin kipaai lel hi.

Paunak 10:21

Mihoihte’ thugente in mi tampi nuamtuamsak a, mihaite in a hai sihpih uh hi.

Late 119:46

Kumpite’ mai-ah nangma thute ka gen ding a, maizumna ka thuak kei ding hi.

Late 105:2

Ama tungah la sa un. Ama tungah phatna la sa unla, a lamdang a septe khempeuh gen ciat ta un.

Late 45:2

Mihingte lakah nangmah na hoihpen a, thugen na siam a, na kam khum zungzung hi. Tua ahih manin Pasian in nang thupha hong pia tawntung hi.

Luka 4:22

Amaute khempeuh in Jesuh thupi sa mahmah uh a, thugen siam sa mahmah uh ahih manin, “Hih pa, Josef’ tapa hi lel hi lo ahi hiam?” a ci uh hi.

Late 119:13

Nangma hong piak nangmah biakna ngeina kipte khempeuh ka gengen ding hi.

Late 66:16

Pasian a zahtakte khempeuh aw, hong pai unla, hong za un. Kei-a’ dinga ama bawlsate ka hong gen ding hi.

1 KHANG TANGTHU MASATE 16:24

Minam dangte lakah ama minthanna genkhia unla, a lamdang ama septe mi khempeuh lakah gen un!

Thu-hilhkikna 11:19

Na tate uh tungah na hilh ding uh a, na innsung uhah na lut laitak, lampi-ah na pai laitak, na lup ciang uhleh na thawh ciangun tuate genin na nei ding uh hi.

Siampi Laibu 2:13

An tawh na biaknate khempeuh ci na sawh ding hi. An tawh na biakna-ah na Pasian tawh na thuciamna ci sawh loin na om kei ding a, na biakna khempeuh ci na sawh ding hi.

Ezekiel 43:24

Topa ahi keima kiangah nong paipih ding hi. Siampite in tua ganhingte tungah ci thehin, keimah hong biakna-in tua ganhingte hal ding uh hi.