Kolose 4:2 - Tedim Bible

² Lungsim takpi tawh thu ngen tawntung unla, kidawm kawmin lungdamna tawh thu ngen un.

Tedim Bible Revision 2017

² Lungsim takpi tawh thu ngen tawntung unla, kidawm kawmin lungdamna tawh thu ngen un.

Kolose 4:2 Referans Kwoze

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Mattiu 26:41

Ze-etna-ah na puk khak loh nadingun thu ngen un. Lungsim in ze-etna nang nuam napi-in pumpi in nangzo lo hi,” a ci hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesuh in a nungzuite kiangah thugentehna khat gen a,

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

Late 109:4

Amaute ka itna, amaute a dingin thu ka ngetsakna nangawn amaute in hong thukna-in kei hong mawhsak uh hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

Kolose 1:9

Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

Marka 13:33

Tua hun ding thei lo na hih manun kikemin pilvang un.

Kolose 3:17

Na kampauna, na gamtatnate khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.

Kolose 2:7

Note tungah a hong kihilhsa bangin ama sungah zungthuk kha unla, ama deihna bangin nungta-in, na upna uhah khauh semsemin, lungdam takin om un.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

Kolose 3:15

Note pumkhat suakin a lungdam khawm dingin Pasian in a hong sap ahih mah bangin Khrih hong piak nopsakna in note’ lungsim hong uk ta hen la, lungdamin om ta un.

JOB (Job) 15:4

Ahi zongin nangmah in Pasian zahtakna na beisak a, ama mai-ah thugenna ding na khaktan hi.

Sawltak 1:14

Numeite, Jesuh’ nu Mary, le Jesuh’ naute tawh thungen khawm dingin a kikhawm zelzel uh hi.

1 SAMUEL MASA 1:12

Topa’ mai-ah thungenin a om laitakin Eli in tua nu’ kam na en hi.