Kolose 3:8 - Tedim Bible

⁸ Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

Tedim Bible Revision 2017

⁸ Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

Kolose 3:8 Referans Kwoze

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngahtheih nadingin na-in a kimang kam hoihte bek na pau un.

Efesa 4:22

Zuauna lungsim in a suksiat khitsa, nidangin na nuntakna ngei uh ahi na pianlui uh paikhia unla,

Efesa 5:4

A kilawm lo-a kampauna, le ciamnuih hoih lo cihte zong na zang kei unla, Pasian tungah lungdamkohna kam na pauzaw un.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

Efesa 4:26

Na heh uh ciangin, tua hehna hangin khialkha kei unla, a tawntungin heh paisuak kei un.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Paunak 29:22

A heh pahpahte in kitotna piangsak a, a heh baihte khial thei tawntung hi.

Kolose 3:9

Ngeina lui le gamtatna lui khempeuh a beisakkhin na hihna uh kithei-in khatlekhat tungah zuauthu kigen nawn kei unla,

1 PETER MASA 2:1

Tua ahih manin gitlohna, zuauna, kineihkhemna, huaihamna, le kigensiatnate na omsak nawn kei un.

2 KORIN NIHNA 12:20

Bang hang hiam cih leh note kiangah ka hong tun ciangin note’ omzia ding ka deih bangin na om loh khak ding uh le note in keima maisuah na muhnopzia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna, le buaina a omkhak ding ka lunghimawh hi.

1 KORIN MASA 3:3

Bang hang hiam cih leh Pasian’ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiselin na om uh ciangin hih leitung mite mah a bang lel na hihna uh hong kilang hi.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Late 37:8

Hehna panin kikham inla, sinsona nusia in. Nangmah kilungso tawmsak ke’n; tua in siatna bekah a hong paipih hi.

Galati 5:15

Ahi zongin note pen gamsa bangin khatlekhat kiphuai-in kipetkha le-uhcin na vekpi-un na siatlawhkhak ding uh lauhuai ahih manin hoihtakin na kidawm un.

ROM (Romans) 13:13

Sun khuavak sunga om mite bangin a kilawmin gamta ni. Gualnopna le zukhamna, mawhna le thangtatna, kitotna le kihazatnate-in i hun beisak kei ni.

Paunak 17:14

Kitot i kipat ciangin tui lipi cinna phung kehsakkhak tawh kibang hi. Tua ahih manin a nasiat ma-in kitot khawlpak in.

Juda 1:8

Tua mite mah bangin hih mite zong thumu-in kinei-in amau pumpi thanghuaisak uh a, Pasian’ thu nialin tunglam a om minthanna a neite a simmawhbawl uh hi.

2 PETER NIHNA 2:18

Amaute kiphasakin haipau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

Jeim 2:7

Pasian in note a hong phuah min hoih a gensiate, mihaute mah ahi uh hi.

1 TIMOTI MASA 1:20

Tua bang mite lakah Hymenaias le Alexander kihel uh a, Pasian gensiat nawn loh nading thu a phawktheih nadingun Satan’ khut sungah amaute ka ap hi.

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

Galati 5:26

Kuamah kiphasak loin, khatlekhat kiphin loin, kuamah i kihaza kei ding hi.

Galati 5:20

milim biakna, mi bumna, kilangbawlna, kitotna, hazatna, hehna, huaihamna, kikhenna, pawltuam lungsim neihna,

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna, le haitatna a piangsakthei ngaihsutna hoih lote khempeuh,

Mangmuhna 16:9

Nisa in mite kanggawp ahih manin mite in hih gimna tawh kisai-ah thu a nei Pasian a samsia uh hi. Ahi zongin a mawhna uh panin kisikin Pasian a phat ding uh ut lo uh hi.

Paunak 19:19

Migilo pa ama thuak ding gimna mah thuaksak zaw in. Honkhia lecin na hotkhiatkik zelzel kul ding hi.

Juda 1:13

a sepna uh tawh amau mah’ maizum nading a piangsak tuipi hualte, le Pasian in amaute’ om nadingin leisung khuamial thukpi a koihsak tawntung, a lampial aksite tawh kibang bek uh hi.

2 PETER NIHNA 2:7

Ngeina bangin a gamta lo mite in Lot a lungkhamsakna panun Pasian in mihoih Lot a honkhia hi.

Efesa 4:25

Tua ahih manin zuau gen nawn kei unla, Khrih pumpi nate ihihna hangin pawlkhat ihih manin khatlekhat tungah thuman kigen ni.