Bang hang hiam cih leh eite zong nidangin haitatin, thumang loin, vakvai-in, duhna deihna a tuamtuamte thuaklahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.
Note pawlkhat, tua bangin na gamta uh hi. Ahi zongin note pen i Topa Jesuh Khrih le i Pasian’ Kha Siangtho hangin mawhna panin a hong kisiangsak khinsa, Pasian’ tungah a kipiasa, Pasian tawh a kipawlsa mite na hi uh hi.
A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khrih hangin Pasian in note hong hingsak a, i mawhna khempeuh hong maisak khinta hi.