Kolose 3:4 - Tedim Bible

⁴ Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

Tedim Bible Revision 2017

⁴ Noteʼ nuntakna taktak Khris ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

Kolose 3:4 Referans Kwoze

Johan 11:25

Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

1 PETER MASA 1:13

Tua ahih manin na lungsim uh ki-ukin a kigingsa-in om unla, Jesuh Khrih hong kilat ni ciangin na ngah ding uh hehpihna thupha ngaihsutin nei un.

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Johan 17:24

Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

1 KORIN MASA 15:43

A kiphum laitakin hat loin melsia a, a kithawhkiksak ciangin thahatin a melhoih hi.

Mangmuhna 22:1

Tua ciangin vantungmi in Pasian le Tuuno tokhom panin a hong luangkhia, kristal suangmanpha bangin a tee selsel gun tui hong lak a,

Juda 1:24

Ama minthanna mai-ah paubaanna om hetloin lungdam takin a hong paipih theih nadingin note na pukkhak nading panun a hong kem,

1 JOHAN MASA 5:12

Pasian’ Tapa tawh a kipawl peuhmah in nuntak tawntungna nei a, Pasian’ Tapa tawh a kipawl lote in nuntak tawntungna nei lo uh hi, cihna ahi hi.

Mattiu 13:43

Tua hun ciangin Pasian’ mite ahihleh a Pa uh Ukna sungah ni bangin a taang ding uh hi. Zak nading bil a neite in hih thu na za ta un.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 14:3

Kei va pai-in note’ om nading mun ka va bawlkholh khit ciangin keima omna munah note na hong om theih nadingun note a hong la dingin ka hong paikik ding hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.

2 TIMOTI NIHNA 1:1

Khrih Jesuh tawh i kipawlna hangin hong kipia ding nuntakna thu a gen dingin Pasian’ deihna tawh Khrih Jesuh’ sawltak nasep a sem dingin a hong kisawl keimah Paul in

1 THESALONIKA MASA 4:17

Tua ciangin tua hun laitakin a nungta lai eite pen vankim lai-ah Topa a dawn dingin amah a um a sisa mite tawh hong kilakhawm ding a, Topa tawh i omkhawm tawntung ding hi, cihna ahi hi.

1 KORIN MASA 1:7

i Topa Jesuh Khrih hong kilatkik ding ngakin na om hun sungun thupha na ngah loh uh khat beek om lo hi.

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Late 73:24

Thulahna tawh keimah nong makaih a, a nung ciangin minthanna munah na hong tunpih ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.

1 TIMOTI MASA 6:14

I Topa Jesuh hong kilatkik Ni dongin paubaanna le mawhsakna om hetloin nang hong kipia thute na zui in.

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Luka 17:30

Mihing Tapa hong kilat ni ciangin zong tua mah tawh hong kibang ding hi.

ROM (Romans) 8:18

Tuhuna i thuaknate pen Pasian in a hong piak ding minthanna tawh ka ngaihsut khawm ciangin gentham ka sa het kei hi.

ROM (Romans) 8:19

Pasian’ bawlsa khempeuh in Pasian’ tate a hong kilahkhiat hun ding lawp mahmahin a ngak uh hi.