Kolose 3:25 - Tedim Bible

²⁵ A man loin a gamtate in ahihleh a gamtatna bangun thuak ding uh hi. Pasian in kuamah deidan loin amau’ gamtatna bang ciatin thu a khen ahi hi.

Tedim Bible Revision 2017

²⁵ A man loin a gamtate in ahihleh a gamtatna bangun thuak ding uh hi. Pasian in kuamah deidan loin amauʼ gamtatna bang ciatin thu a khen ahi hi.

Kolose 3:25 Referans Kwoze

Sawltak 10:34

Tua ciangin Peter a kam ka-in thu hilh ding kipan a, “Pasian in kuamah angvan’ tuam nei loin,

ROM (Romans) 2:11

Bang hang hiam cih leh Pasian in kuamah deidan loin mi khempeuh tungah a kibangin thu a khen hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

Thu-hilhkikna 10:17

Bang hang hiam cih leh Topa na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-te’ Pasian, topate’ Topa ahi hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om laiteng uh amah zahtakin om un.

Efesa 6:9

Tote aw, silate in note hong bawl mah bangin note in zong amaute limbawl unla, tawn’ gawpgawpnate zang nawn kei un. Note le na silate uh vantung panin To khat khutnuai-ah a om na hihna uh le tua Topa in kuamah maitang zahtak tuam nei loin a kibangin mi khempeuh thu a khen ahihna thu na phawk ta un.

2 KHANG TANGTHU NIHNATE 19:7

Tu-in note in Topa zahtak unla, na hihnate uhah kingaihsun un. Bang hang hiam cih leh Topa i Pasian in thuman heikhiatna, mi deidanna, le sumgolh laknate deih lo hi,” a ci hi.

Thu-hilhkikna 1:17

Thukhenna-ah angvan na nei kei ding uh hi. A neu le a liante a kibangin a thu na ngai ding uh a, maitang zahtak tuam na nei kei ding uh hi. Bang hang hiam cih leh thukhenna pen Pasian-a’ ahi hi. Note a dingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Hebru 2:2

Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

Kolose 4:1

Tote aw, note in zong vantungah To khat na neihna uh phawk unla, na silate uh a kilawm a kituakin bawl un.

Luka 20:21

Hih thukante in Jesuh kiangah, “Sia aw, na thuhilhnate le na thugente man mahmah hi. Nang in miliante zahtakbawl tuan loin, Pasian’ thu a mantakin na hilhna ka thei uh hi.

JOB (Job) 37:24

Tua ahih manin mi khempeuh in amah a zahtakna, mipil a kisate amah in a don lohna, lamdangsak ding hi lo hi.” a ci hi.

JOB (Job) 34:19

Pasian pen mi khempeuh a hong piangsak pa hi a, amah in uliante panpih tuan nei lo a, mizawngte sangin mihaute thupi ngaihsutzaw tuan lo hi.

2 SAMUEL NIHNA 14:14

Eite khempeuh i si ding a, a kikhawm kik thei lo leilakah a bua tui tawh i kibang hi. Ahih hangin a hawlkhiat pa a kipuasehin a kikoih loh nadingin lampi a zong mipa’ nuntakna Pasian in lakhia lo ding hi.

Siampi Laibu 19:15

“Note in thukhenna-ah thu a tang loin na khen kei ding uh hi. Mizawngte langgen loin, a liante’ thu zui loin, thumanna tawh na vengte uh thu na khen ding uh hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

Filemon 1:18

Nang tungah hong khialh a, leiba thangba hong neih leh zong keima khialh, keima batin na seh in.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Efesa 6:8

Salte ahi a, sal ahi lote ahi zongin na hoih a sem mi khempeuh, Topa in thaman a piak ding lamtak na thei un.

2 THESALONIKA NIHNA 1:6

Pasian in a manin na sem ding ahih manin note a hong gimsak mite tungah Pasian in gimna pia ding a,