Kolose 3:20 - Tedim Bible

²⁰ Tate aw, na nu na pate uh thu man’ tawntung ding pen na Khristian nasep uh ahi hi. Tua bang thumanna in Pasian lungdamsak hi.

Tedim Bible Revision 2017

²⁰ Tate aw, na nu na pate uh thu man tawntung ding pen na Khristian nasep uh ahi hi. Tua bang thumanna in Pasian lungdamsak hi.

Kolose 3:20 Referans Kwoze

Paikhiatna 20:12

“Topa na Pasian un note hong piak leitang tungah na khan uh a sau theih nadingin na nu le na pa uh zahtak un.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

Paunak 6:20

Ka ta aw, na pa’ hong gen bangin gamta inla, na nu’ hong thuhilhnate mangngilh kei in.

Thu-hilhkikna 27:16

“‘A nu ahi a, a pa ahi zongin a zahtak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Mattiu 19:19

na nu na pa zahtak in; nang na ki-it bangin na vengte na it in, cihnate ahi hi,” a ci hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Paunak 30:11

A pate samsia-in a min a daisak, a nute a phat lo mi pawlkhat om hi.

Siampi Laibu 19:3

Note a kuamah peuh in na nu le na pa uh zahtakin, note in ka Sabbath-te na tang ding uh hi; kei pen Topa na Pasian uh ka hi hi.

Titu 2:9

Silate in zong a tote uh thu mangin, thu khempeuhah a tote uh a lungkimsak nading, a tote uh thu seelloin,

Efesa 5:24

Pawlpi pen Khrih’ khutnuai ahih mah bangin zite zong thu khempeuhah a pasalte uh khutnuai hi ding uh hi.

Paunak 20:20

Na nu le na pa na samsiat leh khuamial sunga om meivak kisumit na bang ding hi.

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Ezekiel 22:7

A nu a pa a zahtakbawl kuamah om lo hi. Pemtate kikhemgawp a, meigong le tagahte zong kihih thopthop hi.

Piancilna 28:7

Jakob in a nu le a pa’ thu mangin Paddanaram-ah a paina thu tu-in Esau in thei hi.

Kolose 3:22

Silate aw, thu khempeuhah na leitung topa uh thu na mang un. Amau’ hong pahtak ding deihna tawh a hong muh sung bekin a hoihtatte hi kei unla, Topa na zahtakna uh hangin lungsim tak tawh gamta un.

Thu-hilhkikna 5:16

“‘Topa note’ Pasian in hong piak leitang tungah na khan uh sau-in na nopsak theih nadingun Topa note’ Pasian in hong thupiak bangin na nu na pa uh zahtak un.

Ruth 3:5

Tua ciangin amah in dawngin, “Na gen khempeuh ka hih ding hi,” a ci hi.

Jeremiah 35:8

Kote in Rekhab’ tapa ka pu uh Jonadab’ hong thupiak khempeuh ka mang uh a, ka nuntak hun sungteng uh ko a kipan ka zite uh, ka tapate uh le ka tanute uh in leenggahzu dawn loin,