Kolose 3:17 - Tedim Bible

¹⁷ Na kampauna, na gamtatnate khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.

Tedim Bible Revision 2017

¹⁷ Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

Kolose 3:17 Referans Kwoze

1 KORIN MASA 10:31

Tua ahih manin keimah in ka hong gennop thu in: Na hihna khempeuh uh, nekna dawnna-ah ahi zongin Pasian’ minthan nadingin na hih un.

Kolose 3:23

Mite’ nasem bangin kingaihsun loin, Pasian’ nasem bangin kingaihsun unla, na sep peuhpeuh uh lungsim takpi tawh lawpin sem un.

Paunak 3:6

Na hihna khempeuhah amah phawk in. Tua hileh lampi man amah in hong lak ding hi.

Efesa 5:20

I Topa Jesuh Khrih hangin thu khempeuhah Pa Pasian tungah lungdamna ko ta un.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

1 THESALONIKA MASA 5:18

bangbang hong piang taleh na lungdamna uh Pasian tungah ko tawntung un. Khrih Jesuh tawh kipawlin na nuntakna sung uhah hih bangzia-in na om ding uh Pasian in a hong deih ahi hi.

1 PETER MASA 2:5

Note zong nuntakna a piathei suangpi mah bangin kha thu tawh kisai biakinn lam nadingin na kizang unla, Jesuh Khrih hangin Pasian’ santheih biaknate a pia dingin a siangtho siampi na suak un.

Hebru 13:15

Tua ahih manin Jesuh tungtawnin amah i biakna-in i kam tawh ama min pulakin Pasian phat tawntung ni.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Micah 4:5

Bang hang hiam cih leh midangte in amau’ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.

Filippi 2:11

Jesuh Khrih in Topa ahi hi, ci-in taangko-in Pa Pasian a min thangsak ding uh hi.

Sawltak 4:30

Cinate damsak theih nading vangliatna hong pia inla, a siangtho na Nasempa Jesuh’ min tawh nalamdang kibawl ta hen,” a ci uh hi.

2 THESALONIKA NIHNA 2:17

note lungsimah thakhauhna hong guan hen la, a hoih thu khempeuh genin a semzo dingin na tha uh hong hatsak tahen.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Efesa 1:17

i Topa Jesuh Khrih’ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Kolose 2:7

Note tungah a hong kihilhsa bangin ama sungah zungthuk kha unla, ama deihna bangin nungta-in, na upna uhah khauh semsemin, lungdam takin om un.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

1 JOHAN MASA 2:23

Tapa a nialte in Pa zong a nial hi a, Tapa a sangte in Pa zong a sang ahi hi.

ROM (Romans) 1:8

Jesuh na upna thu uh leitung mi khempeuh in gen belin nei uh ahih manin tua Jesuh hangin Pasian tungah ka lungdamna thu koh belin ka nei hi.

Hebru 1:5

Bang hang hiam cih leh Pasian in vantungmi khat peuhpeuh tungah, “Ka Tapa na hi hi. Tu ni-in na Pa ka suak hi,” ci ngei lo hi. Tua mah bangin, “Kei, ama Pa ka hi ding a, amah, ka Tapa ahi ding hi,” ci-in zong kam pau ngei lo hi.

1 THESALONIKA MASA 1:1

Keimah Paul, le Silas, le Timoti in Pa Pasian le Topa Jesuh Khrih sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

1 KUMPI MASATE 18:32

Tua ciangin tua suangte tawh Topa’ minin biakna tau khat lam hi. Amah in khaici lawh nih a tazo dingin a lian hawklam khat biakna tau kimkotah bawl hi.

Kolose 3:15

Note pumkhat suakin a lungdam khawm dingin Pasian in a hong sap ahih mah bangin Khrih hong piak nopsakna in note’ lungsim hong uk ta hen la, lungdamin om ta un.