Kolose 3:14 - Tedim Bible

¹⁴ Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

Tedim Bible Revision 2017

¹⁴ Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

Kolose 3:14 Referans Kwoze

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pumkhat na suahtheih nading uh ka deihna ahi hi. Tua hileh Pasian’ thusim ahi Khrih mahmah na thei ding uh hi.

Johan 13:34

Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

ROM (Romans) 13:8

Khatlekhat ki-it ding cih lohbuang, kuama tungah leiba nei kei un. Midang a itte in Thukham deihna teng a zuikhin ahi hi.

Efesa 4:3

Kha Siangtho kimakai sakin, khatlekhat kilemin pawlkhat na hihna uh na kipsak tawntung un.

1 JOHAN MASA 4:21

Khrih in eite tungah hong thupiakna in: Pasian a it mi in a Khristian mipihte zong it ding hi, cihna ahi hi.

2 PETER NIHNA 1:7

Pasian’ deih bangin na gamtatna uh sanggam ki-itna tawh na behlap un; na sanggam ki-itna uh itna thukpi tawh na behlapzawh nadingun na hanciam un.

1 TIMOTI MASA 1:5

Hih bangin thupiakna pen, upna taktak le kisuanna om hetloin lungsim siangtho taktak tawh ngaihsutna panin a hong piangkhia ki-itna a khantheih nading deihna ahi hi.

1 THESALONIKA MASA 4:9

Ahi zongin thu uppih mite it ding tawh kisai-in bangmah gelh ding na kisam nawn kei uh hi. Khatlekhat na ki-it nading uh Pasian in note tungah hong hilh khinzo hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Johan 15:12

“Note tungah ka hong piak thu in: Note ka hong it zahin note khatlekhat na ki-it un.

1 JOHAN MASA 3:23

Ama hong thupiakna in: A Tapa Jesuh Khrih umin zui-in, Khrih’ hong sawl bangin eite khatlekhat i ki-it ding ahi hi.

Hebru 6:1

Tua ahih manin Khrih thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

Efesa 1:4

Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ihi hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.