Kolose 2:6 - Tedim Bible

⁶ Note hong honpa dingin Topa Khrih na sansa uh ahih mah bangin amah tawh hoihtakin kipawlin nungta un.

Tedim Bible Revision 2017

⁶ Note hong honpa dingin Topa Khris na san sa uh ahih mah bangin amah tawh hoihtakin kipawlin nungta un.

Kolose 2:6 Referans Kwoze

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

1 JOHAN MASA 2:6

Pasian tawh ka kipawl hi, a ci mi khempeuh, Jesuh Khrih a gamtat bangin a gamtat ding ahi hi.

1 THESALONIKA MASA 4:1

Tu-in sanggamte aw, Pasian’ deihna le ama lungkim nadingin bangci nuntak ding cih thu kote kiang panin na theihsa uh thute tawh kizui-in na nuntaksa uh ahih mah bangin a kicingzaw semsemin na nuntak nadingun i Topa Jesuh min tawh hong thumin ka hong hanthawn uh hi.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

2 KORIN NIHNA 5:7

Muhna hang tawh lungmuangin a om hi loin upna hang tawh lungmuang takin a om ka hi uh hi.

Kolose 3:17

Na kampauna, na gamtatnate khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmahin ka om laitakin Pasian in ama mite tungah a tawntungin a kimang dingin khatvei bek a hong piak upna thu-ah note in na nawksuak nadingun hanthotna gelh ding a kisapna thu ka phawk hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Filippi 1:27

Note tawh a omkhawm dingin ka hong paithei a, ka hong paithei kei zongin note in lungdamna thu tawh kipawl upna thu-ah ngimna kikhatin kiptakin na om nading uh le deihna kikhatin na dokhawmna thu uh ka zak theih nadingin Khrih hanga lungdamna thu tawh a kilawm a kituakin na nuntak ding uh a thupi pen ahi hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

Micah 4:2

Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Mattiu 10:40

“Na thugen uh a hong sangte in kei’ thu a hong sang hi a, kei a hong sangte in kei a hong sawl pa zong a sang ahi uh hi.

Isaiah 2:5

Jakob’ suanlekhakte aw, hong pai un; Topa’ khuavak sungah gamta ni.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Galati 3:26

Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.