Kolose 2:23 - Tedim Bible

²³ Hih bang gamtatnate pen a tungthamin i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-ukzawhna a piangsak ding tawh kibang hi. Ahi zongin a taktakin hihte khat beek in pumpi ki-ukzawhna piangsak zo lo hi.

Tedim Bible Revision 2017

²³ Hih bang gamtatnate pen a tungtham in i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-uk zawhna a piangsak ding tawh kibang hi. Ahi zongin a taktakin hihte khat beek in pumpi ki-uk zawhna piangsak zo lo hi.

Kolose 2:23 Referans Kwoze

1 TIMOTI MASA 4:8

Pumpi kisekin kisinna manpha hi. Ahi zongin kha thu-ah kisekin kisinna pen tuhun laitak le a hong tung ding hunah nuntakna hong piathei ahih manin manphazaw lai hi,

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn mite’ khemsa-in ta kei un. Tua bang mite pen amau’ ngaihsut tawmna tawh a kihisak mawk hi a,

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

1 TIMOTI MASA 4:3

Tua bang mite in zi neih le pasal neih ding le an pawlkhat nek ding hoih lo hi, ci uh hi. Ahi zongin thu umin, thuman thutak a thei mite in lungdamna ko-in a nek dingin Pasian in tua ante a bawl ahi hi.

Kolose 2:22

Hih nate pen i nek, i zat khit ciangin a maimang hi lel a, mihingte’ bawltawm thuhilhna le ngeina hi lel hi.

Efesa 5:29

Eite pen ama pumpi nate ihihna hangin Khrih in hong it mah bangin kuamah in ama pumpi mudah ngei lo a, hoihtakin kemin a vakzaw hi.

ROM (Romans) 13:14

Kidal nadingin, Topa Jesuh Khrih’ hong piak galhiamte zang unla, na pumpi uh deihna bangin gamtat nading hun omsak nawn kei un.