Kolose 2:20 - Tedim Bible

²⁰ Khrih tawh sikhawm khin na hih manun huihlak a ukte’ khutsung panin a suakta khin na hi uh hi. Tua hinapi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Tedim Bible Revision 2017

²⁰ Khris tawh si khawm khin na hih manun huihlak a ukteʼ khut sung panin a suakta khin na hi uh hi. Tua hi napi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Kolose 2:20 Referans Kwoze

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

Kolose 2:16

Tua ahih manin annek tuidawn, biakna pawite, Khadet pawi, le Sabbath ni tawh kisai-in kuamah in ngeina zuih ding bawl kei un.

Galati 4:3

Tua mah bangin eite zong kha thu-ah i neulai hun sungteng huihlak a uk vangneite’ khutnuai-ah a om ihi hi.

Kolose 2:14

Eite a dingin a hoih lo, i mawhna a kiciamtehna khempeuh, hong phiatsak a, tuate khempeuh singlamteh tungah kilhcipin a beisak ta hi.

1 JOHAN MASA 5:19

Leitung midang khempeuh Dawimangpa’ khut sungah a om ahi zongin eite pen Pasian’ mi ihihna thu i thei hi.

Hebru 13:9

Thuhilhna lamdang a tuamtuamte zui-in lam man panin pialkha kei un. A zui mite tungah bangmah phattuamna a piangsak thei lo annek tuidawn tawh kisai ngeina zuihna in thahatna hong pia thei lo a, Pasian’ hehpihna bek in i lungsim hong thahatsak thei hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Galati 6:14

Ahi zongin keimah in ahihleh, singlamteh tungah i Topa Jesuh a sihna thu bek ka kisialhpih ding hi. Bang hang hiam cih leh singlamteh tungah ama sihna hangin kei a dingin leitung thute misi bang a, kei zong, leitung thu-ah misi mah ka bang hi.

2 KORIN NIHNA 10:3

Kote pen leitungah a teng mi ka hi mah uh hi; ahi zongin leitung lungsim ngimna tawh galdo ka hi kei uh hi.

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teelkhia a, amaute tawh kipawl nawn lo na hih manun a hong mudah ahi uh hi.

Efesa 2:15

Amah tawh kipawlna hangin minam nihte pawlkhat a suahtheih nadingin minam a dei Jew Thukham le a ngeinate khempeuh phiatin, eite pawlkhat hong suahin a hong kilemsak hi.

Kolose 3:3

Note a sikhin na hi uh a, note’ nuntakna pen Khrih tawh Pasian’ sungah a kiseelkhawm ahi hi.

Kolose 2:21

“Lawng kei un, ciam kei un, su kei un,” cihte zuihin nei na hi uh hiam?