Kolose 2:15 - Tedim Bible

¹⁵ Amah in huihlak a ukte le vangliatna a nei khempeuh, singlamteh tungah zogawp khin a, galzote in a sal matte a kaih uh bangin mi khempeuh muhin a gualzawhna a lak hi.

Tedim Bible Revision 2017

¹⁵ Amah in huihlak a ukte le vangliatna a nei khempeuh, singlamteh tungah zo gawp khin a, gal zote in a sal matte a kaih uh bangin mi khempeuh muhin a gualzawhna a lak hi.

Kolose 2:15 Referans Kwoze

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Efesa 4:8

Tua ahih manin Lai Siangtho sungah, “A sangna munah a paitoh ciangin matsa salte tampi paipih a, mite tungah letsong a pia hi,” ci-in na kigelh hi.

Mattiu 12:29

Mi khatpeuh in mi thahat khat pa’ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn-ah lutin a neihsate lathei pan hi.

Isaiah 53:12

Tua ahih ciangin amah pen miliante tawh nate ka hawmsak ding a, amah in mihatte tawh nate a hawm ding hi. Bang hang hiam cih leh amah in sihna dongin a nuntakna piakhia a, khialhna a nei mite tawh a kisim khawm hi. Ahih hangin amah in mi tampi’ mawhna pua a, khialhna a neite a dingin a thumsak hi.

Efesa 6:12

Eite’ do pen leitung mite hi lo a, vantung huihlakah a om ukna, aana a neite, hih leitung khuamial a uk a tuamtuamte ahi hi.

Johan 16:11

hih leitung a ukpa pen thukhenna a thuakkhin ahihna thu zong lak ding hi.

Luka 10:18

Jesuh in amaute kiangah, “Vantung panin keekkia bangin Satan a kiatna ka mu hi.

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphualpi sungah kilawn a, a sun a zanin tua lai munah amaute in gimna a thuak tawntung ding uh ahi hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mihonte le mi lehdote’ tung nangawn panin piakkhong nate na ngah hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimuthei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khrih a dingin amahmah zangin a piangsak hi.

Luka 11:22

Ahi zongin amah sangin a hatzaw mi khat in amah simin a zawhgawp khit ciangin, ama muan a hiam khempeuh laksakin a pawlte tawh a hawm hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Johan 19:30

Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

1 KORIN MASA 15:24

Tua ciangin Khrih in ukna, vangliatna, aana a nei ama galte khempeuh a zawhgawp khit ciangin Pa Pasian tungah ukna aana ap ding a, tua ciangin hih leitung hun beina hong tung ding hi.

2 KORIN NIHNA 2:14

Ahi zongin Pasian tungah lungdam mahmah nading thu a om hi. Khrih tawh ka kipawlna hangun gualzawhna tawh Khrih a paina khempeuhah Pasian in kote hong zuisak hi. Mun khempeuhah paknamtui a kizelh bangin Khrih thu theihna a kizelsak dingin Pasian in kote hong zang hi.

Kolose 2:10

Khrih tawh na kipawlna hangun nuntakna kicing na nei uh hi. Huihlak a ukte le aana neite khempeuh tungah amah a lutangpi hi lai hi.