Kolose 1:9 - Tedim Bible

⁹ Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

Tedim Bible Revision 2017

⁹ Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

Kolose 1:9 Referans Kwoze

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Jeim 1:5

Pilna kisam na om uhleh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Kolose 4:5

A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

1 PETER MASA 2:15

Bang hang hiam cih leh thu thei loin a mot paupau mihaite, na gamtat hoihna un a daihsak ding, Pasian’ deihna ahi hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

2 THESALONIKA NIHNA 1:11

Tua ahih manin ama hong sapna tawh a kilawm a kituak nuntakna na nuntak theih nading uh le ama vangliatna tawh a hoih na hihnop khempeuh uh hihzo-in, na upna uh hangin na khempeuh na zawhtheihna dingun Pasian kiangah thu ka hong ngetsak tawntung uh hi.

1 THESALONIKA MASA 5:17

thu ngen niloh unla,

Late 143:10

Keima Pasian na hih manin nangma deih bangin a gamta dingin kei hong hilh in. Kei hong hehpih inla, lam phei-ah hong kha in.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Hebru 10:36

Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Filippi 1:4

Note in lungdamna thu na zak ni uh a kipanin tuni ciang dong, lungdamna thuhilh nasepna-ah kei na hong huhna uh hangin ka nuam mahmah a, note a dingin thu ka nget simin lungdam mahmahna tawh ka ngen tawntung hi.

Filemon 1:4

Pasian’ mite khempeuh na itna thu le Topa Jesuh na upna thu na zakhin ka hih manin Pasian kiangah thu ka nget simin nangmah hong phawkin Pasian tungah lungdamna thu ka ko tawntung hi.

Efesa 6:6

A hong pahtak ding uh deihna tawh amaute’ muhsung bekin tuaci gamtat kei unla, Khrih’ sila na hihna hangun Pasian’ hong deih bangin lungsim takpi tawh na sem un.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

1 JOHAN MASA 2:17

Leitung nate le leitung deihnate a beibei ding hita a, ahi zongin Pasian’ deihna bangin a gamta mite pen kip tawntung ding hi.

1 PETER MASA 4:2

Tua ahih manin tu a kipanin na leitung nuntak sung uh mihingte’ deihna bangin gamta loin Pasian’ deihna bangin na gamtat ding uh ahi hi.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

Efesa 5:17

Tua ahih manin hai ommawk kei unla, Topa in bang a sem dingin hong deih ahi hiam, ci-in kan un.

Efesa 5:10

Bangteng in Topa lungkimsak ahi hiam, ci-in kan un.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Late 119:99

Ka siate khempeuh sangin thu ka telzaw hi. Bang hang hiam cih leh na teci pannate ka ngaihsunsun hi.

1 KORIN MASA 1:5

Bang hang hiam cih leh Khrih tawh na kipawlna hangun, thugen siamna le thu theihtel siamna a kipan siamna nam khempeuh na neikim uh hi.

Sawltak 12:5

Tua ahih manin thong sungah Peter kikhum a, ahi zongin pawlpi mite in lungsim takpi tawh ama a dingin Pasian kiangah thu a ngetsak uh hi.

Filemon 1:6

Thu umte ihihna hangin Khristian sungah eite i kikholh manin, Khrih hangin i nuntakna sungah i ngah thupha a hoih khempeuh na theihna a kicin semsem nadingin thu ka ngen hi.