Kolose 1:6 - Tedim Bible

⁶ Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

Tedim Bible Revision 2017

⁶ Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

Kolose 1:6 Referans Kwoze

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

ROM (Romans) 16:26

Ahi zongin mi khempeuh in Pasian umin a zuihtheih nadingin tu-in kamsangte’ laigelhnate le a nungta tawntung Pasian’ thupiakna tawh tua thu ki-imcip pen a hong kipholak ta ahi hi.

ROM (Romans) 1:13

Khrih sungah sanggamte aw, Gentail midangte lakah thu um mi ka ngah mah bangin note lakah zong ngah ding lametna tawh note kiangah pai ding tam veipi ka geel zel hangin ka hong pai theih lohna thu nong theih ding uh ka ut hi.

Johan 4:23

Ahi zongin Pasian a bia taktakte in Pasian’ Kha’ lamlahna le thuman tak tawh a biak hun hong tung ding a, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Marka 16:15

Tua khit ciangin amaute tungah, “Leitung khempeuhah note pai kawikawi unla, mi khempeuh tungah Lungdamna Thu na hilh ta un.

Marka 4:8

Adangte ahihleh leihoihna mun tu ahih manin hong po-in khang a, a zah sawmthum, a zah sawmguk, a zah zakhat dongin an hong piang hi,” a ci hi.

Mattiu 24:14

Tua ciangin mi khempeuh tungah teci ahi dingin Pasian’ hong ukna hangin a lungdamhuai thu, leitung khempeuhah kihilh ding hi. Tua khit ciangin beina hong tung ding hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eite’ Pasian’ gualzawhna mu khinta uh hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

1 THESALONIKA MASA 1:5

Bang hang hiam cih leh note kiangah Lungdamna Thu ka hong hilh lai-un kam bek tawh a hong gen hi loin, Kha Siangtho’ vangliatna le Lungdamna Thu a man taktak hi, ci-in theihna tawh a hong pai ka hi uh hi. Note kiangah ka om laitakun note’ phattuam nadingin ka sep ka bawlna khempeuh uh na thei uh hi.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Filippi 4:17

Note tung panin na tampi ka ngahnop man hi lo a, note’ hamphatna a kibehlap nading ka deihna hizaw hi.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

Efesa 4:23

na lungsim uh le na ngaihsutna uh thaksuak sak un.

Efesa 4:21

Note in Khrih thu na zaksa uh hi a, ama nungzui na hih manun Jesuh’ thutakna na theihsa uh ahi hi.

2 KORIN NIHNA 10:14

Note kiangah Khrih hangin lungdamna thu a hong hilh masate ka hih manun note kiangah thu ka hong hici gen uh ciangin a ciangtan khengvalin a gamta ka hi kei uh hi.

2 KORIN NIHNA 6:1

Tua bangin Pasian tawh na semkhawmin om ka hih manun Pasian’ hong hehpihna thu a mawkna na suahsakkhak loh nadingun ka hong thum uh hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paul’ thugente a sangthei dingin Pasian in a lungsim a honsak hi.

Sawltak 12:24

Ahi zongin Pasian’ thu kizelin a khang semsem hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Efesa 3:2

Note’ phattuam nadingin Pasian in hong hehpihna tawh hih nasep a sem dingin a hong sawlna thu na theihsa uh ahi hi.

ROM (Romans) 15:28

Amaute a dingin a kikaikhawm hih sumte a cingin amaute tungah apin, hih nasep ka man khit ciangin Spain gam manawh dingin ka hong paikhia ding a, note kiangah kong baang ding hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.