Kolose 1:28 - Tedim Bible

²⁸ Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

Tedim Bible Revision 2017

²⁸ Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

Kolose 1:28 Referans Kwoze

Jeremiah 3:15

“‘Ka thu a hong mang makaite ka hong pia ding a, amaute in pilna le siamna tawh note hong uk ding uh hi.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuanta ding hih leitung mite’ pilna le vangliatna thu hi lo hi.

Kolose 1:22

Ahi zongin, a Tapa a pumpi mahmahin a hong sihna hangin note, a cidam, a siangtho, paubaanna om hetloin ama kiangah hong laktheih nadingin Pasian in note ama lawmin a hong bawl khinta ahi hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khrih tawh a kigawm dingin nungak siangtho bang na hi uh hi.

2 KORIN NIHNA 4:5

Bang hang hiam cih leh kote’ hilh thu pen komau’ thu hi lo a, Khrih Jesuh pen Topa ahi hi, ci-in a hilh ka hi uh a, kote pen Khrih hangin nomau’ na a semte ka hi uh hi.

Sawltak 20:31

Tua ahih ciangin limtakin kiging unla, kum thum sung tawntung khitui naptui tawh note khempeuh ka hong thuhilhna na ciamteh un.

Sawltak 8:35

Filip zong a kam ka-in thugen ding kipan a, tua a Lai Siangtho simna mun a kipanin Jesuh thu ciang dong a gen hi.

Hebru 10:14

Mawhna panin a sianthosak mite, khatvei bek biakpiakna a bawlna tawh siangtho paisuaksak hi.

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

Kolose 2:10

Khrih tawh na kipawlna hangun nuntakna kicing na nei uh hi. Huihlak a ukte le aana neite khempeuh tungah amah a lutangpi hi lai hi.

1 KORIN MASA 12:8

Kha Siangtho in mi khat tungah thuthuk pilna hong guan a, tua Kha Siangtho mah in adang khat tungah thugen siamna hong guan hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

2 KORIN NIHNA 10:14

Note kiangah Khrih hangin lungdamna thu a hong hilh masate ka hih manun note kiangah thu ka hong hici gen uh ciangin a ciangtan khengvalin a gamta ka hi kei uh hi.

1 KORIN MASA 15:12

Tu-in gen penin a kinei thu in: Sihna panin Khrih kihingkiksak hi, cihna thu ahih manin, bang hangin note pawlkhat in, misite thokik lo ding hi, ci thei na hi uh hiam?

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

1 KORIN MASA 2:15

Kha Siangtho a nei mite in na khempeuh theithei uh a, ahi zongin leitung mite in bangmah thei lo uh ahih manin a lungmang uh hi.

1 KORIN MASA 1:23

Ahi zongin kote in singlamteh tungah a kikhai Khrih’ thu ka hilh uh a, tua thu pen Jew mite a dingin a hehhuai thu hi a, Gentail mite a dingin a haihuai thu ahi hi.

ROM (Romans) 16:25

Eite khempeuh in Pasian phat ni. Keima hilh Jesuh Khrih thu ahi Lungdamna Thu le tanglai-in a ki-imcip, tu-in a kipholak thu-ah, amah pen note’ upna a hong kipsak thei pa ahi hi.

Sawltak 17:3

Khrih in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khrih pen Lai Siangtho sunga kigen Khrih ahi hi, ci-in Paul in a gen hi.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 8:5

Filip zong Samaria gam khuapi-ah pai-in Khrih thu a hilh hi.

Sawltak 5:42

Nisimin biakinn sung le mite inn-ah thu hilh uh a, Jesuh, Khrih hi, cih Lungdamna Thu a gengen uh hi.

Marka 6:34

Jesuh, tuigei a tun ciangin mi tampi a na omkhin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Jeremiah 6:10

Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Thuhilh-sia 12:9

Thugen Siampa, mipil ahih banah, amah in ama theihteng mite tungah a hilh hi. Amah in paunakte limtakin sin a, a man ahihna thu hoihtakin entel hi.

Paunak 8:5

Ngaihsut kicing nai lote aw, na lungsim uh khanghamsak un. Mihaite aw, thu ngaihsun un.

Thu-hilhkikna 4:5

“En un, note in a luah dingin na lutna uh gam sungah na zuih dingun Topa ka Pasian in kei hong thupiak bangin thukhamte le ngeina kipte kong hilh khinzo hi.

2 PETER NIHNA 3:15

I sanggam Paul in Pasian’ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngahtheih nading uh hun hong piakna-in Topa hong zekai ahihna thu na phawk un.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

1 KORIN MASA 4:14

Hih bangin lai ka hong gelh ciangin na maizum nading uh ka deihna hi lo a, ta itte thuhilh bangin a hong thuhilh ka hi hi.

Sawltak 13:38

Tua ahih ciangin sanggamte aw, hih Jesuh hangin mawhmaisakna thu note tungah hong kihilh ahihna teltakin na theih ding uh ahi hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Ezekiel 7:10

“Siatna ding hun hong tungta hi. Na ngongtatna uh khang a, na kiphatsakna uh lian hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

Ezra 7:25

“Tua hi a, nang Ezra in nang tungah hong kipia na Pasian’ pilna tawh kizui-in Eufratis Gungal gam sunga mite thu a khen dingin na Pasian’ thukham a thei mite seh in. Nang le amaute in na Pasian’ thukham a thei lote na hilh ding uh hi.

Kolose 2:3

Khrih pen Pasian’ pilna le a thuthuk khempeuh a kitheihtheih nading ahi hi.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.