Kolose 1:26 - Tedim Bible

²⁶ Tua thuhilh ding pen a beisa hunah a ki-imcip thu hi a, ahi zongin tu-in Pasian’ mite tungah a kipholak ta ahi hi.

Tedim Bible Revision 2017

²⁶ Tua thuhilh ding pen a beisa hunah a ki-imcip thu hi a, ahi zongin tu-in Pasianʼ mite tungah a kipholak ta ahi hi.

Kolose 1:26 Referans Kwoze

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

Mattiu 13:11

Jesuh in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

2 TIMOTI NIHNA 1:10

tuhun ciangin eite hong Honpa Khrih Jesuh tungtawnin a dikna hong langsak ta hi. Tua Jesuh in sihna beisak a, lungdamna thu hangin sih nawn lohna thu a hong kilangsak hi.

1 KORIN MASA 2:7

Tua ka gen pilna thu pen mite’ theih lo dingin Pasian in a ipcip Pasian’ pilna thusim hi a, eite’ minthan nadingin leitung pianma pekin Pasian in a na koihsa thu ahi hi.

Marka 4:11

Jesuh in, “Pasian’ Ukna tawh kisai thusim, Pasian in note tungah hong gen khinzo hi. Ahi zongin a pualama om mite tungah na khempeuh, thugentehna bek tawh kigen hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pumkhat na suahtheih nading uh ka deihna ahi hi. Tua hileh Pasian’ thusim ahi Khrih mahmah na thei ding uh hi.

Kolose 4:3

Mite kiangah Khrih’ thusim hilhtheih nadingin Pasian in kote tungah hunpha hong piaktheih nadingin thu hong ngetsak un. Ka thongkiatna pen hih thu hang mah ahi hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo-ah va kuan un,’ a ci hi.