Kolose 1:24 - Tedim Bible

²⁴ Tu-in ka pumpi-in ka thuakna tawh Khrih in ama pumpi ahi pawlpi a dingin a thuak ding a kisam laiteng a kitangcingsak suak ka hih manin note a dingin ka thuakna thu-ah ka lung a dam hi.

Tedim Bible Revision 2017

²⁴ Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

Kolose 1:24 Referans Kwoze

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuakzawh hatna piangsak a,

2 TIMOTI NIHNA 1:8

Tua ahih manin i Topa’ thu gen nading thu-ah ahi a, ama thu hangin thong a kia keima thu-ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna-ah zong a thuaknuam hizaw in.

Filippi 3:10

Jesuh Khrih thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna-ah zong amah tawh ka kibat ding ka utpi pen ahi hi.

2 KORIN NIHNA 7:4

Note hong muang mahmahin note hangin ka kisathei a, lungkhamna a tuamtuam ka tuah hangin lunghimawh loin ka lungnuam mahmah hi.

Efesa 3:13

Tua ahih manin note hangin ka thuakna pen note’ phattuam nading ahih manin tua ka thuakna thu hangin lungkiatna-in na nei kei un.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Kolose 1:18

Na khempeuhah amah a lianpen ahih theih nadingin, amah pen pawlpi ahi ama pumpi lutang hi a, pawlpi’ nuntakna a kipatna hi a, sihna panin a kithokiksak Tapa cil ahi hi.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.

Efesa 1:23

Tua pawlpi pen Khrih’ pumpi hi a, tua pawlpi a dingin amahmah kipia-in, mun khempeuha om pawlpite, thu khempeuhah a cingtaaksak hi.

ROM (Romans) 8:17

Eite pen ama ta ihih manin mite a dingin a koih thuphate i ngah banah Khrih a dingin a koihte zong i ngahkhawm lai ding hi. Bang hang hiam cih leh Khrih in a thuak mah bangin i thuak nakleh amah a minthan’ mah bangin ei zong i minthang ding hi.

1 KORIN MASA 12:27

Tu-in note khempeuh pen Khrih pumpi na hi uh a, na vekpi-un a pumpi na khat ciat na hi uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

2 KORIN NIHNA 12:15

Note ka hong huhtheih nadingin lungdamtakin ka neih khempeuh kong piaknop banah keima pumpi mahmah zong ka hong kipia nuam hi. Tuazah takin ka hong itna pen it lohna tengin hong nei zawsop ding na hi uh hiam?

Marka 10:39

amaute in, “Ka hizo ding uh hi,” ci-in a dawng uh hi. Tua ciangin Jesuh in amaute kiangah, “Keimah in gimna ka thuak ding mah bangin na thuak takpi ding uh a, ka thuak ding kiphumna zong na thuak takpi ding uh hi.