Kolose 1:2 - Tedim Bible

² Kolose khua-ah a om Pasian’ mi ahi, Khrih sungah kiptakin a om sanggamte tungah lai ka hong khak uh hi. I Pa Pasian in note tungah dikna le nopsakna thupha hong tungsak tahen.

Tedim Bible Revision 2017

² Kolose khua ah a om Pasianʼ mi ahi, Khris sungah kip takin a om sanggamte tungah lai ka hong khak uh hi. I Pa Pasian in note tungah dikna le nopsakna thupha hong tungsak tahen.

Kolose 1:2 Referans Kwoze

2 PETER NIHNA 1:2

Pasian le i Topa Jesuh na theihna uh hangin hehpihna le nopsakna thupha note tungah tampi tak hong tung tahen.

Efesa 1:1

Pasian’ sawlna tawh Jesuh Khrih’ sawltak ahi keimah Paul in, Efesa khua-ah a om thu um mite tungah lai ka hong khak hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesuh Khrih in note tungah dikna le nopsakna thupha hong tungsak tahen.

1 KORIN MASA 1:2

Jesuh Khrih tawh kipawlna hangin Pasian’ mi suakin, Pasian’ mi siangtho cihna a ngah, Korin khua-a om Pasian’ pawlpi mite le eite’ Topa bek hi loin, amaute’ Topa zong ahi, i Topa Jesuh Khrih tungah thu a ngen, mun khempeuhah a om mite tungah lai ka hong khak uh hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun, le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

Galati 1:3

Eite’ Pa Pasian le Topa Jesuh Khrih in note khempeuh tungah dikna le nopsakna thupha hong tungsak tahen.

Efesa 6:21

Ka septe le ka omzia khempeuh na theih nadingun Topa thu sungah i sanggam, thuman takin na a sem Tikhikas in note kiangah thu khempeuh a cingin hong gen ding hi.

Late 16:3

Leitungah a om mi siangthote ahih le, amaute nampi hi a, amaute sungah ka lungkimna teng om hi.

Juda 1:2

Note khempeuh tungah hehpihna, le itna thupha tampi tak hong tung tahen.

Galati 3:9

Abraham in a up manin Pasian in thupha a piak mah bangin Pasian a um midang khempeuh in zong thupha a ngah ahi uh hi.

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesuh Khrih thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

Sawltak 9:13

Ahi zongin Ananias in, “Topa aw, hih mipa in Jerusalem khua-a om nangma mite a bawlsiatna thu khempeuh, mi tampi tak in kei tungah hong gen khinzo uh hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.