Kolose 1:18 - Tedim Bible

¹⁸ Na khempeuhah amah a lianpen ahih theih nadingin, amah pen pawlpi ahi ama pumpi lutang hi a, pawlpi’ nuntakna a kipatna hi a, sihna panin a kithokiksak Tapa cil ahi hi.

Tedim Bible Revision 2017

¹⁸ Na khempeuh ah amah a lian pen ahih theih nadingin, amah pen pawlpi ahi ama pumpi lutang hi a, pawlpiʼ nuntakna a kipatna hi a, sihna panin a kithokiksak Tapa cil ahi hi.

Kolose 1:18 Referans Kwoze

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Sawltak 26:23

Tua thu in: Khrih pen sihna thuakin a hingkik masa pa hi ding a, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Late 89:27

Keimah in amah ta upa penin ka bawl ding a, leitung kumpite lakah a lianpenin ka bawl ding hi.

1 KORIN MASA 11:3

Ahi zongin na theih ding uh ka deih thu in: Mi khempeuh’ lutang pen Khrih hi a, numei’ lutang pen pasal hi a, Khrih’ lutang pen Pasian ahihna thu ahi hi.

Mangmuhna 22:13

Kei pen a masa le a nunung, a kipatna le a tawpna a cihnopna ahi Alfa le Omega ka hi hi,” a hong ci hi.

Efesa 5:23

Bang hang hiam cih leh Khrih pen ama pumpi ahi pawlpi a honkhia pa hi-in, pawlpi tungah ukna thu a neih mah bangin pasal in a zi tungah ukna thu a nei ahi hi.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

1 KORIN MASA 15:25

Bang hang hiam cih leh Pasian in a galte khempeuh zo-in a khenuai-ah a koihkhit hun dong mateng Khrih in uk ding hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

Mangmuhna 1:8

A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Kolose 1:24

Tu-in ka pumpi-in ka thuakna tawh Khrih in ama pumpi ahi pawlpi a dingin a thuak ding a kisam laiteng a kitangcingsak suak ka hih manin note a dingin ka thuakna thu-ah ka lung a dam hi.

Efesa 1:10

Tua a geel thu pen, a hunhoih a tun ciangin Khrih khutnuai-ah, vantung le leitungah a om khempeuh gawm ding ahi hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawmzo nai kei hi,” ci-in a dawng hi.

Johan 1:16

A kicing ama hong itna hangin eite khempeuh tungah thupha a banbanin hong pia hi.

Johan 1:1

A kipat cil-in Thu na om a, tua Thu, Pasian tawh na omkhawm a, tua Thu, Pasian ahi hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasian’ piansakte khempeuh a kipatna ahi Amen’ thugen in:

1 JOHAN MASA 1:1

Leitung piancil lai pek a kipanin a omsa ahi nuntakna a piathei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka ettel uh hi a, ka khut mahmah uh tawh ka lawn’ uh ahi hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no adangte khempeuh unau khat na hi uh hi.

Isaiah 52:13

Topa in, “En un; ka nasempa a dau pai-in, amah a lianin kikoihin kilaamto ding a, sang mahmah ding hi.

Solomon la 5:10

Ka ngaihno a melhoih a, a thahat hi. Mi tul sawm lakah tehpih ding dang om lo hi.

1 KORIN MASA 12:27

Tu-in note khempeuh pen Khrih pumpi na hi uh a, na vekpi-un a pumpi na khat ciat na hi uh hi.

Kolose 2:19

lutang ahi Khrih a len nawn lo uh ahi hi. Lutang ahi Khrih’ ukna tawh pumpi na khempeuh kizom dimdiam uh ahih manin pumpi in thahatna ngah a, Pasian’ deih bangin a khangto hi.