Kolose 1:17 - Tedim Bible

¹⁷ Na khempeuh khat beek a om ma-in amah om khinta a, amah tawh a kipawl manin na khempeuh ama mun sansanah hoihtakin a omthei hi.

Tedim Bible Revision 2017

¹⁷ Na khempeuh khat beek a om ma-in amah om khinta a, amah tawh a kipawl manin na khempeuh ama mun sansan ah hoihtakin a om thei hi.

Kolose 1:17 Referans Kwoze

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

1 KORIN MASA 8:6

eite a dingin Pasian khat bek, Pa khat bek a om hi. Ama a dingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesuh Khrih khat bek a om hi.

Sawltak 17:28

Mi khat in, ‘Pasian hangin eite piangin, hingin i gamtang hi,’ ci-in gen a, note sung panin laphuah siampa khat in zong, ‘Eite zong ama tate ihi hi,’ na na ci hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Mangmuhna 1:8

A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Kolose 1:15

Khrih pen a kimu thei lo Pasian’ lim hi a, a kipiangsak khempeuh lakah tapa upa pen ahi hi.

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei simloh pasian dang om lo hi.

Late 75:3

Leitung le a tunga tengte khempeuh a kilin’ ciangin a khuampite a kipsak pa keimah ka hi hi.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Hebru 13:8

Jesuh Khrih pen zani, tuni, a tawntungin kibang ngitnget hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik pa’ thugen in:

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

1 SAMUEL MASA 2:8

Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.