Joshua 9:27 - Tedim Bible

²⁷ Ahih hangin Joshua in mihonte le Topa’ biakna tau-a dingin singtomte le tuitawite a suaksak hi. Topa in amah biak nadingin a teelna munah tuni dongin tua nasepte mah amaute in sem uh hi.

Tedim Bible Revision 2017

²⁷ Ahih hangin Joshua in mihonte le Topaʼ biakna tau-a dingin singtomte le tui tawite a suaksak hi. Topa in amah biak nadingin a teelna munah tu ni dongin tua nasepte mah amaute in sem uh hi.

Joshua 9:27 Referans Kwoze

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama omna dinga a bawlna mun na zong ding uh hi.

Joshua 9:21

Tua ciangin makaite in mihonte kiangah, “Amaute hingsak un,” a ci uh hi. Tua ahih ciangin makaite’ gen mah bangin mihon khempeuh a dingin amaute pen sing suite le tui tawite a suak uh hi.

Joshua 9:26

Tua ahih ciangin amah in amaute tungah tua bangin bawl a, Israel mite’ khutsung panin amaute honkhia a, amaute thatsak lo hi.

Gamlak-vakna 31:28

Galdo dingin a kuankhia galkapte’ tung panin mite, bawngtalte, late, le tuuhonte zanga ciangin Topa’ siah dingin khat ciat la in.

Gamlak-vakna 31:30

Israel mihonte in alang a ngah uh sung panin mite, bawngtalte, late, tuuhonte, ganhing khempeuh, sawmnga ciangin khat ciat la inla, Topa’ biakbuk a kem Levi mite tungah pia in,” a ci hi.

Gamlak-vakna 31:47

Israel-te in a ngah alang sung panin Moses in mihing le ganhing sawmnga ciangin khat ciat la-in, Topa in ama tungah a thupiak bangin Topa’ biakbuk a kem Levi mite tungah a pia hi.

Thu-hilhkikna 12:11

Topa na Pasian un ama min om nading munin a teelna munah note kong sawl khempeuh na paipih ding uh hi. Na meihal biaknate uh le na biakpiaknate uh, note in na piak uh sawm-ah-khat le na piak thuahte uh le Topa’ tungah na ciam uh na thuciam piaknate uh na paipih ding uh hi.

Thu-hilhkikna 12:14

Na minamte uh sung panin Topa in a teelna mun khatah na meihal biaknate uh pia-in, note kong thupiakte khempeuh tua lai munah na hih ding uh hi.

2 KHANG TANGTHU NIHNATE 2:16

Tua ciangin na kisap sing peuhmah Lebanon panin kong phuk ding uh a, nangmah in Jerusalem-ah na puaktoh theih nadingin phongin tuipi tungah Joppa dong nang kiangah kong paipih ding uh hi,” zong ci lai hi.