Joshua 8:4 - Tedim Bible

⁴ Amah in amaute thu pia a, “En un, tua khuapi a sim dingin a nungah na buksim ding uh a, khuapi panin gamlapi-ah na pai kei ding uh hi. Ahih hangin a kigingsa-in na om ding uh a,

Tedim Bible Revision 2017

⁴ Amah in amaute thu pia a, “En un, tua khuapi a sim dingin a nungah na buk sim ding uh a, khuapi panin gamlapi ah na pai kei ding uh hi. Ahih hangin a kiging sa-in na om ding uh a,

Joshua 8:4 Referans Kwoze

Thukhente 20:29

Tua ahih ciangin Israel-te in Gibeah kiimah a pangsim dingin mi koih uh hi.

Sawltak 23:21

Ahi zongin lamkalah Paul a pangsim dingin mihing sawmli val bang om uh ahih manin amaute’ hong ngetna pia kei in. Tua mihing sawmlite in Paul a thahkhit mateng uh anletui a nekloh nadingun kiciamna khat bawlkhin uh hi. Amaute a kithawisa-in om uh a, nangma thupiak ding bek a ngak uh ahi hi,” a ci hi.

Thuhilh-sia 9:16

Thahatna sangin pilna hoihzaw ka ci hi; ahi zongin kuamah in mizawngte a pil dingin ngaihsun lo a, mizawngte’ thugen kuamah in thudonin nei lo hi.

Thuhilh-sia 7:19

Khuapi a uk mihing sawm sangin pilna in mi khat hatsak zaw hi.

1 SAMUEL MASA 15:5

Tua ciangin Amalek khuapi-ah Saul hong pai-in kuam sungah pangsim hi.

1 SAMUEL MASA 15:2

Vanglian Topa in hih bangin ci hi: ‘Amaute Egypt panin hong paikhiat lai-in amaute in lampi-ah Israel-te a nialna uh hangin Amalek mite gim ka pia ding hi.

Thukhente 20:36

Tua ahih ciangin Benjamin mite in a guallelhna uh kimu uh hi. Israel mite in Benjamin mite awn uh hi; bang hang hiam cih leh Gibeah khua a sim dingin a koih uh a pangsimte muang uh hi.

Thukhente 20:33

Israel mite khempeuh amau’ omna mun panin dingin Baaltamar-ah a gualin pang uh hi. A pangsim Israel mite Gibeah nitumna lam amau omna panin hong ding khia uh hi.

Thukhente 9:25

Tua hi a, Shekhem mite in Abimelek a pangsim dingin mual dawnah mi koih uh a, amaute in tua lam a tawn mi khempeuhte’ na na sut uh hi; hih thu Abimelek kiangah kigen hi.

Joshua 8:16

Tua ahih ciangin khuapi sunga om mi khempeuhte amau a delh dingin kikaikhawm uh a, Joshua a delh uh ciangin amaute khuapi panin a kihemkhia ahi hi.

Joshua 8:3

Tua ahih ciangin Joshua le galkap khempeuh Ai-ah a paito dingin kipan uh hi. Joshua in a tha kicing mi thahat tul sawmthum teel a, zanin tua mite a sawlkhia hi.

2 KUMPI NIHNATE 7:12

Tua ciangin kumpipa zanin tho-in a nasemte kiangah, “Syria-te in eite’ langkhatah a vaihawmna kong gen ding hi. Eite i kialna amaute in hong thei uh hi. Tua ahih ciangin amaute gamlakah a bu dingin a phual panin paikhia uh a, ‘Khuapi sung panin amaute a paikhiat uh ciangin amaute a hingin manin khuapi sungah i lut ding hi,’ ci-in ngaihsun uh hi,” a ci hi.

2 KHANG TANGTHU NIHNATE 13:13

A nunglam panin amaute a hih dingin a pangsim ding pawlkhat Jeroboam in kual paisak hi. Tua ahih ciangin Judah mite’ mai-ah ama galkapte om a, a pangsimte amau’ nungah om hi.

Thukhente 9:32

Tua ahih ciangin tu-in na ompih mite tawh zanin pai unla, gamlakah pangsim un.