Joshua 8:35 - Tedim Bible

³⁵ Moses in a thupiak kammalte khempeuh Israel mihonpite, numeite, le amaute lakah a teng peemtate mai-ah Joshua in a simloh khatzong om lo hi.

Tedim Bible Revision 2017

³⁵ Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.

Joshua 8:35 Referans Kwoze

Thu-hilhkikna 31:12

Jordan galkhatah a luah dingin na paina uh gamah na nuntak laitengun amaute in a thu za-in Topa na Pasian uh zahtak ding a theih nading, le hih thukham thute khempeuh limtakin a sep theih nading, le hih thu a thei nai lo amau’ tate in Topa na Pasian uh zahtak ding a theih nadingun, numei, pasal, le naupangte, le na khuapite uh sunga om peemtate, mi khempeuh khawm un,” a ci hi.

Nehemiah 8:2

Tua hi a, a kha sagihna a ni khat ni-in numei pasal, le thu theitel thei ding a kikhawm khempeuh mai-ah siampi Ezra in thukham laibu hong paipih hi.

Jeremiah 26:2

“Topa in kong cihin-ah, Topa’ biakinnpi huang sungah va ding inla, Topa’ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khuanawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Marka 10:14

Jesuh in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasian’ Ukna sungah hih bang mite a om ahi hi.

Joel 2:16

Mite kaikhawm unla, amaute siansuah un. A khangham mite sam unla, naupangte zong kaikhawm un. Nawine lai naungekte zong paipih un. A kiteng cil nungak le tangvalte nangawn in a omna uh nusia-in hong pai uh hen.

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ biakinn mai-ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpitakin a kap uh hi.

Sawltak 20:27

Bang hang hiam cih leh note tungah Pasian’ thu kong gen loh khat zong om nawn lo hi.

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.

Paikhiatna 12:38

Minamdang tampi le tuuhon le bawnghon, ganhing tampi zong amau tawh pai uh hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Thu-hilhkikna 29:9

Tua ahih ciangin na hihna khempeuh uhah na daupai theih nadingun hih thuciamna kammalte khempeuh limtakin na zuih ding uh na ngaihsun ding uh hi.

Thu-hilhkikna 29:10

“Topa na Pasian un tuni-in note tawh a bawl, Topa na Pasian uh thuciamna sungah na lut theih nadingun, tuni-in amah in ama mi dingin note hong kipsak theih nading, le note’ tungah hong ciamna le na pu na pate uh Abraham, Isaac, le Jakob tungah a kiciamna bangin, amah, note’ Pasian ahih theih nadingin, na minam lutangte uh, na upate uh, na uliante uh, Israel mi pasal khempeuh, na taneute uh, na zite uh, na giahphual uhah a om peemtate, na sing uh hong tomsakin na tui uh a hong tawisakte a kipan note khempeuh, tuni-in Topa na Pasian uh mai-ah na ding uh hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung a kipan sun ciang dong, numei pasal le thu a tel thei ding mite’ zakin tua laibu sunga thute sim a, mi khempeuh in tua thukham laibu sunga thu kisimte limtakin a ngai uh hi.