Joshua 8:33 - Tedim Bible

³³ Tua ciangin Israel mite in thupha a ngah theih nadingun Topa’ nasem Moses in a thupiaksa bangin Israel mite khempeuh peemta hitaleh tualsuak hitaleh, a upate le a uliante le a thukhente uh tawh, Topa’ Thuciamna Singkuang a pua Levi siampite’ mai, Thuciamna Singkuang langkhat, Gerizim Mual mai lamah mi alang, Ebal Mual mai lamah mi alang a ding uh hi.

Tedim Bible Revision 2017

³³ Tua ciangin Israel mite in thupha a ngah theih nadingun Topaʼ nasem Moses in a thupiak sa bangin Israel mite khempeuh peemta hitaleh tualsuak hitaleh, a upate le a uliante le a thukhente uh tawh, Topaʼ Thuciamna Singkuang a pua Levi siampiteʼ mai, Thuciamna Singkuang lang khat, Gerizim Mual mai lamah mi alang, Ebal Mual mai lamah mi alang a ding uh hi.

Joshua 8:33 Referans Kwoze

Thu-hilhkikna 11:29

Luah dingin na lutna uh leitangah Topa na Pasian un hong paipih ciangin Gerizim Mual tungah thupha taangko-in, Ebal Mual tungah hamsia na taangko ding uh hi.

Thu-hilhkikna 31:12

Jordan galkhatah a luah dingin na paina uh gamah na nuntak laitengun amaute in a thu za-in Topa na Pasian uh zahtak ding a theih nading, le hih thukham thute khempeuh limtakin a sep theih nading, le hih thu a thei nai lo amau’ tate in Topa na Pasian uh zahtak ding a theih nadingun, numei, pasal, le naupangte, le na khuapite uh sunga om peemtate, mi khempeuh khawm un,” a ci hi.

Thu-hilhkikna 31:9

Moses in hih Thukham gelhin Topa’ Thuciamna Singkuang a pua Levi mi siampite le upate khempeuh tungah a pia hi.

Joshua 24:1

Tua ciangin Joshua in Israel minam khempeuh Shekhem-ah kaikhawmin a upate, a makaite, a thukhente, le Israel uliante a sam hi. Tua ciangin Pasian’ mai-ah amau ciat kipia uh hi.

Joshua 4:18

Topa’ Thuciamna Singkuang a pua siampite Jordan laizang panin hong paikhia-in, siampite’ khe lei keu tungah hong omtoh ciangin, a ngeina bangin amau’ munah Jordan tuite hong luangkikin a piau khempeuh a tuum hi.

Joshua 3:3

mite thu pia uh a, “Topa na Pasian uh Thuciamna Singkuang Levi siampite in a puak na muh uh ciangin na omna panun dingkhia-in na zui ding uh hi.

Thu-hilhkikna 31:25

Moses in Topa’ Thuciamna Singkuang a pua Levi mite thu pia a,

Gamlak-vakna 15:29

Theihlohna hangin na khat peuhpeuh a hih kha, Israel mite’ lakah a om tualsung mipa le amaute’ lakah a peem khualmipa a dingin ngeina a kibang khat na nei ding uh hi.

Gamlak-vakna 15:16

Note le note’ lakah hong peem mi a dingin a kibang thukhat, ngeina kip khat om ding hi,” a ci hi.

Paikhiatna 12:49

Gammi le note’ lakah hong peem khualmi a dingin ngeina khat bek om ding hi,” a ci hi.

Joshua 23:2

Joshua in Israel khempeuh, a upate le a lutangte, a thukhente le a uliante uh samin amaute kiangah, “Tu-in kei teekin ka kum tampi pha ta hi.

Joshua 6:6

Tua ahih ciangin Nun tapa Joshua in siampite samin amaute kiangah, “Thuciamna Singkuang la unla, tua Topa’ Thuciamna Singkuang mai-ah siampi sagihte tuutal ki peengkul sagih tawisak un,” a ci hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizangah Thuciamna Singkuang a pua siampite a ding uh hi. Mite nawhsa-in galkah uh hi.

Joshua 3:14

Tua ahih ciangin mite’ mai-ah Thuciamna Singkuang a pua siampite tawh Jordan galkah dingin a puanbuk uh panin mite dingkhia-in,

Siampi Laibu 24:22

Note in peemta le tualsung mi a dingin ngeina a kibang khat na nei ding uh hi; bang hang hiam cih leh kei pen Topa na Pasian uh ka hi hi,” a ci hi.

Joshua 3:6

Tua ciangin Joshua in siampite kiangah, “Thuciamna Singkuang la unla, mite’ mai-ah paisuak un,” a ci hi. Amaute in Thuciamna Singkuang la-in mite’ mai-ah a pai uh hi.

Johan 4:20

Ko Samaria mite’ pupite in hih lai mualtungah Pasian bia uh a, ahi zongin no Jew mite in Pasian biakna mun pen Jerusalem khua ahi hi, na ci uh hi,” a cih ciangin

Gamlak-vakna 15:15

Mihonpi a dingin ngeina khat om ding a, note le note’ lakah hong peem mi a dingin tawntung ngeina khat na khang tawntungun om ding hi. Topa’ mai-ah note le peemta mite na kibang ding uh hi.