Joshua 8:28 - Tedim Bible

²⁸ Tua ahih ciangin Joshua in Ai hal a, tuni donga a om mah bangin nin khol napi khatin piangsak den hi.

Tedim Bible Revision 2017

²⁸ Tua ahih ciangin Joshua in Ai hal a, tu ni donga a om mah bangin nin khol napi khatin piangsak den hi.

Joshua 8:28 Referans Kwoze

Thu-hilhkikna 13:16

Note in van kinusiate khempeuh khua laizang mun awngah khawmin, Topa na Pasian uh tungah khuapi le van kinusia khempeuh meihal biakna bupin mei tawh na hal ding uh hi. Tua khuapi pen ninkikholna hi tawntung ding a, kilamkik nawn lo ding hi.

Micah 3:12

Tua ahih manin note’ hangin lo khawh bangin Zion kikho-in, Jerusalem, nin kipaihna phualpi hong suak ding a, biakinn omna mual, gamlak a suak ding hi.

Jeremiah 50:26

Mun khempeuh panin hong sim unla, a ansal uh honsak un. An cian’ bangin amaute ciang un. A vekpi-in susia unla, bangmah nusiat kei un.

Jeremiah 49:2

Tua ahih manin, Topa in kong cihin-ah, Ammon gam Rabbah khua kisimin, galdona aw a kizak hun ka tungsak ding hi. Tua khuapi kisusiamang ding a, a khuaneute a kihaltum ding hi. Tua ciangin Topa in kong cihin-ah, Israel mite in a gam uh a laksakte’ kiang panin a gam uh a ngahkik ding uh hi.

Jeremiah 9:11

“Jerusalem khuapi ninkholna ka bangsak ding a, se-alte’ tenna mun ka suaksak ding hi. Judah gam khuapite gamlak ka suaksak ding a, kuamah teng nawn lo ding hi,” a ci hi.

Isaiah 25:2

Bang hang hiam cih leh nang in khuapi ninbulomtang na suah a, a muanhuai khuapi a sia na suaksak hi. Mi kiphasakte’ kumpi inn pen khua bang nawn lo a, cikmah hunin kilamkik nawn lo ding hi.

Isaiah 17:1

Damaskas tawh kisai thu hih bangin gen hi: En un, Damaskas pen khuapi hi nawn loin ninbulomtang suak ding hi.

2 KUMPI NIHNATE 19:25

Sawt pek lai-in ka ngaihsutsa ahihlam za nai lo na hi hiam? Tanglai pek panin ka geelkholhsa hi a, tu-a ka tunsak ding thute kulh a nei khuapite ninbulomtangin na heina ding,

Joshua 4:9

Tua ciangin Joshua in Thuciamna Singkuang a pua siampite’ khe a dinnasa mun, Jordan laizangah zong suang sawm le nih mah a phut hi. Tuni dongin tua suangte tua mun mahah omlai hi.

Joshua 8:29

Tua ciangin amah in nitak mateng sing khat tungah Ai kumpipa a khai hi. Ni a tum ciangin Joshua in thu pia a, amaute in sing tung panin a luang la sukin, khuapi kulhkongpi lutna-ah paai uh a, a tungah suangtum lompi ciang uh a, tuni dongin tua suangcian omlai hi.

Thu-hilhkikna 13:17

Tuni-a kong gen ama thupiaknate khempeuh zui-in Topa na Pasian uh mai-ah a manin gamtatna tawh Topa na Pasian uh’ aw na ngaih uhleh, na pu na pate uh tungah a ciamsa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-apsa na khat beek zong note a dingin na kem kei ding uh hi.