Joshua 8:20 - Tedim Bible

²⁰ Ai mite in a nung et kik uh ciangin, khuapi meikhu vanah a kahto a mu uh hi. A nung a mai koimahah tai thei lo uh hi. Bang hang hiam cih leh gamlak lamah tai-in a kilelsak khemte in amau a delhte’ lamah hong kihei-in lehdelh kik uh hi.

Tedim Bible Revision 2017

²⁰ Ai mite in a nung etkik uh ciangin, khuapi meikhu vanah a kah to a mu uh hi. A nung a mai koi mahah tai thei lo uh hi. Bang hang hiam cih leh gamlak lamah tai-in a kilelsak khemte in amau a delhteʼ lamah hong kihei-in leh delhkik uh hi.

Joshua 8:20 Referans Kwoze

Mangmuhna 19:3

Tua ciangin khatvei kiko kik leuleu uh a, “Pasian phat un! Tua khuapi a katna khu tatsat loin van lamah khuto tawntung hi,” a ci uh hi.

Mangmuhna 18:9

Amah tawh paktatin a kiphasak khawm leitung kumpite in tua khuapi a katna meikhu a muh uh ciangin dahin a kap ding uh hi.

Isaiah 34:10

Sun le zanin mit lo ding a, vantung lamah a khu kahto ngitnget ding hi. Khang khat pan khang khat, a hawmguakin om ding a, kuamah in nawk ngei nawn het lo ding hi.

Late 76:5

A thahatte’ neihsa nate kisutkhia a, amaute ihmucip suak uh hi.

JOB (Job) 11:20

Ahih hangin migilote ahihleh cimawhin khuadak ding uh a, suahtakna ding lampi mu lo ding uh hi. Amau’ ngah ding ahihleh sihna bek ahi hi,” a ci hi.

Piancilna 19:28

Sodom le Gomorrah le kuamte khempeuh lam nga sukin khuadak a, leitang khu pen, meiphualpi khu bangin a kah to a mu hi.

Joshua 8:19

Tua ciangin a buksimte diangkhia pah uh a, amah in a khut a zan khit phetin amaute tai-in khuapi sungah lut uh a, a khuapi la-in manlangin a hal uh hi.

Joshua 8:21

A buksimte in khuapi a lak khitna le khuapi meikhu a kahtohna Joshua le Israel khempeuh in a muh uh ciangin amaute kihei kikin Ai mite vatgawp uh hi.

Thukhente 20:38

Israel mite le a pangsim mite a kiciamna lim in, amaute in khuapi sung panin meikhu lianpi a suahsak toh uh ciangin

Thukhente 20:40

Ahih hangin amau’ kiciamna lim meikhu khuapi sung panin suakto dingin a kipat ciangin Benjamin mite nunghei uh a, a khuapi bup a khu-in vantungah a kahto a mu uh hi.

Thukhente 20:41

Tua ciangin Israel mite hong kilehhei uh a, Benjamin mite lungkia uh hi; bang hang hiam cih leh amau’ siat nading a naina thei uh hi.