Joshua 6:17 - Tedim Bible

¹⁷ Khuapi le a sunga omte khempeuh pen Topa’ tungah biakna-in kisusia ding hi. Amah in i sawl kamtaite na seel ahih manin numei paktat Rahab le ama inn sungah amah tawh a omkhawmte khempeuh bek hing ding hi.

Tedim Bible Revision 2017

¹⁷ Khuapi le a sunga omte khempeuh pen Topaʼ tungah biakna-in kisusia ding hi. Amah in i sawl kamtaite na seel ahih manin numei paktat Rahab le ama inn sungah amah tawh a om khawmte khempeuh bek hing ding hi.

Joshua 6:17 Referans Kwoze

Jeim 2:25

Numei paktat Rahab zong tua bangmah ahi hi. Israel mi thukante hoihtakin zin na do-in, lampi dangah ciahsakin na suaktasak a, ama nasepna hangin Pasian tawh kipawl theihna a ngah ahi hi.

Micah 4:13

Topa in hih bangin ci hi: Jerusalem khuamite aw, kipan unla, na galte uh sugawp un. Sumngo khe le sik ki a nei bawngtal bangin note kong thahatsak ding hi. Minam tampite na sugawpzo ding uh a, amau’ neihsa teng keima-a’ na suaksak ding uh a, amau’ hauhna teng leitung buppi’ Topa’ neihsa na suaksak ding uh hi.

Hebru 11:31

Numei paktat Rahab in thukante limtakin na zindo a, Pasian’ thu a mang lo mite tawh a sihkhawm lohna zong a upna hang mah ahi hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

Galati 3:12

Lai Siangtho in, “Thukham’ deih bangin a gamta zote nungta ding hi,” na ci ahih manin Thukham zuihna le upna thu na kimemat kha lo hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zuikhin tawntung lote in Pasian’ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

1 KORIN MASA 2:7

Tua ka gen pilna thu pen mite’ theih lo dingin Pasian in a ipcip Pasian’ pilna thusim hi a, eite’ minthan nadingin leitung pianma pekin Pasian in a na koihsa thu ahi hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Piancilna 12:3

Nang thupha hong piate thupha ka pia ding a, nang hong samsiate ka samsia ding hi. Nang’ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

Ezekiel 39:17

Topa Pasian in kei kiangah, “Mihing ahi Ezekiel aw, amaute a dingin ka bawlsak biakpiakna sa a ne dingin mun khempeuh panin vasa khempeuh le ganhing khempeuh hong pai nadingun sam in. Israel mualtung gamah pawi lianpi khat om ding a, a duh zahzahun sa ne-in si dawn ding uh hi.

Jeremiah 46:10

“Bang hang hiam cih leh tuni pen Vanglian Topa Pasian’ ni hi a, phu a lakkik ni, a galte a thuk ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Isaiah 34:6

Topa in namsau khat nei hi. Sisan tawh kidim ding a, biakpiakna tuuno si le keel si, tuutalte’ kal thau tawh a kizolsak bang ding hi. Bang hang hiam cih leh Topa in Bozrah khua-ah hih biakpiakna nei ding a, Edom gamah hih bang tampi thahna omsak ding hi.

Ezra 10:8

le ni thum sungin a hong tung lo a om leh uliante le upate’ hoihsakna bangin a neihsa khempeuh uh kimanin, salsuaksa mihonte panin a kihawlkhiat theih nading thu taangkona khat kibawl hi.

1 SAMUEL MASA 15:6

Tua ciangin Saul in Ken mite kiangah, “Pai un; kihemkhia un. Amalek mite lak panin paikhiasuk un. Tua hikeileh amaute tawh note kong susiakhawm kha ding hi. Bang hang hiam cih leh Egypt panin Israel-te hong paikhiat lai-in amaute khempeuh tungah migitna na lak uh hi,” a ci hi. Tua ahih ciangin Amalek mite lak panin Ken mite kihemkhia uh hi.

Joshua 7:1

Ahih hangin a ki-ap nate tawh kisai-in Israel mite zuautat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawlkhat la ahih manin Israel mite tungah Topa heh mahmah hi.

Joshua 2:22

Amaute paikhia-in mualtungah pai uh a, a delhte a ciahkik mateng ni thum sung om uh hi. Bang hang hiam cih leh a delhte in lamdung khempeuh zongin bangmah mu lo uh hi.

Joshua 2:1

Tua ciangin Nun’ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ inn-ah tungin giak uh hi.

1 SAMUEL MASA 15:3

Tu-in pai-in Amalek mite vatgawp unla, amaute’ neih khempeuh susiamang khin un. Amaute siit loin, numei le pasal, naupang le nawine laite, bawngtal le tuu, kalaoh le la, that un,’ ci hi,” a ci hi.

Siampi Laibu 27:21

A lo pen, jubilee huna piak khiat ciangin, a ki-apsa lo mah bangin Topa’ tungah a siangtho hi ding a, siampipa in tua lo tang ding hi.