Joshua 5:9 - Tedim Bible

⁹ Tua ciangin Topa in Joshua kiangah, “Tuni-in note’ tung panin Egypt gamah sal suakin na minsiatna uh ka zialkhia hi,” a ci hi. Tua ahih ciangin tua mun pen tuni dongin Gilgal kici hi.

Tedim Bible Revision 2017

⁹ Tua ciangin Topa in Joshua kiangah, “Tu ni-in noteʼ tung panin Egypt gamah sal suakin na min siatna uh ka zial khia hi,” a ci hi. Tua ahih ciangin tua mun pen tu ni dongin Gilgal kici hi.

Joshua 5:9 Referans Kwoze

1 SAMUEL MASA 17:26

David in ama kianga ding mite kiangah, “Hih Filistia-pa thatin Israel-te’ tung panin hih mindaina a beisak pa a dingin bang kihih ding ahi hiam? A nungta Pasian’ galkapte a to dingin hih dawibia Filistia-pa kua ahi hiam?” a ci hi.

Joshua 4:19

Kha masa a ni sawm ni-in Jordan panin mite paikhia uh a, Jerikho nisuahna lam gamgi Gilgal-ah giahphual sat uh hi.

Piancilna 34:14

Amaute in amau kiangah, “Vun ki-at lopa’ tungah ka sanggamnu uh ka piak ding uh ka ngaihsun thei kei uh hi. Tua bangin pia le ung ko a dingin mindaina hi ding hi.

Siampi Laibu 24:14

“A samsia mipa pen giahphual pualamah paipih in. Ama samsiat a za mi khempeuh ama lu tungah amau’ khut ngasak inla, mihonte khempeuh amah denglumsak in.

Ezekiel 23:8

A nungakna beisakin, Egypt gam a a paktat mah zom lailai hi. A nungak tung a kipanin mite in luppihin numei paktatte bangin bawlin a ututun hih uh hi.

Ezekiel 23:3

Amaute Egypt-ah a omlai, a khangno laitakun, a nungakna lim uh bei-in numei paktat a suak uh hi.

Jeremiah 9:25

Topa in, “Vun ki-at hinapi-in vun ki-at mite’ gamtat bangin a gamta lote gimpiak hun hong tung ding hi.

Late 119:39

Ka kihtak hong kikonate kei’ kiang pan heikhia in. Bang hang hiam cih leh nangmah biakna ngeina kipte hoih mahmah hi.

1 SAMUEL MASA 17:36

Na nasempa in humpinelkai le vomte that khin ngei hi. Amah in a nungta Pasian’ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite a dingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koihkhia unla, Topa’ na sem un.

Joshua 5:8

Minam bup vun ki-atna a man khit ciangin giahphual amau’ mun ciatah a dam mateng a om uh hi.

1 SAMUEL MASA 7:16

A kumkumin Bethel, Gilgal, le Mizpah-ah kot pai a, amah in hih munte khempeuhah Israel-te thu khen hi.

2 SAMUEL NIHNA 19:15

Tua ahih ciangin Jordan-ah kumpipa hong paikik hi. Kumpipa a dawn ding le Jordan galah kumpipa a paipih dingin Gilgal-ah Judah mite hong pai uh hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beor’ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal-a thupiangte ngaihsun kik un,” a ci hi.

Zefaniah 2:8

Vanglian Topa in hih bangin thu gen a, “Moab mite in ka mite a simmawhna, Ammon mite in ka mite a zahkona le ka mite’ gam a sutgawp dingin, a kisaktheih paunate uh ka za khin hi.

Nehemiah 12:29

Bethgilgal khua le Geba kiimnai le Bethazmaveth khua panin zong hong pai uh hi. Bang hang hiam cih leh lasate pawl in Jerusalem kiimah amau a dingin khuaneute sat uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal-ah ahi a, Bethaven-ah ahi zongin pai kei unla, tua lai munah Topa’ min tawh na kiciam kei un.

Amos 5:5

A bia dingin Beersheba-ah pai kei un. Bethel-ah kei hong zong kei un; a mawkna suak ding hi. Gilgal-ah zong lut kei un; Gilgal mite, sal a suak ding hi lel hi.