Joshua 5:2 - Tedim Bible

² Tua hun laitakin Topa in Joshua kiangah, “Meisuang tem bawl inla, Israel mite a nih veina vun at kik in,” a ci hi.

Tedim Bible Revision 2017

² Tua hun laitakin Topa in Joshua kiangah, “Meisuang tem bawl inla, Israel mite a nih veina vun atkik in,” a ci hi.

Joshua 5:2 Referans Kwoze

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hintheih nadingun, Topa na Pasian un note le na suanlekhakte uh tungah thu man’ nopna lungsim hong guan ding hi.

Thu-hilhkikna 10:16

Tua ahih ciangin Topa’ thu mang unla, lungkhauh nawn kei un.

Paikhiatna 4:25

Tua ciangin Zipporah in meisuang khat la-in a tapa’ vun dawn at khiatsak a, tua tawh Moses lawngin, “Nang pen kei’ tungah sisan tawh ka pasal na hi taktak hi!” a ci hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrih’ vun-atna ahi mawhnopna lungsim tawh kipelhna a ngah khinta na hi uh hi.

ROM (Romans) 4:11

Abraham a vun a ki-at ma-in a upna hangin Pasian in mihoihin a sanna lahtel nadingin a vun a kinung-at ahi hi. Tua ahih manin vun a ki-at loh hangin a upna uh hangin mihoihin a kisang mite khempeuh a dingin Abraham pen kha thu lamah pupi ahi hi.

ROM (Romans) 2:29

Jew mi taktak i cihte pen, a sunglamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

Joshua 5:3

Tua ahih ciangin Joshua in meisuang tem bawl a, Gibeath-haaraloth munah Israel mite a vun a at hi.