Joshua 5:13 - Tedim Bible

¹³ Jerikho khua kiangah Joshua a tun ciangin a khuadaktoh leh, a khut sungah namsau dawhsa tawh mi khat a mai-ah na ding hi. Ama kiangah Joshua pai-in, “Ko’ pawl na hi hiam, ahih kei leh ka langte’ pawl na hi hiam?” a ci hi.

Tedim Bible Revision 2017

¹³ Jerikho khua kiangah Joshua a tun ciangin a khuadak toh leh, a khut sungah namsau dawh sa tawh mi khat a mai ah na ding hi. Ama kiangah Joshua pai-in, “Koʼ pawl na hi hiam, ahih kei leh ka langteʼ pawl na hi hiam?” a ci hi.

Joshua 5:13 Referans Kwoze

Gamlak-vakna 22:23

Topa’ vantungmi in a khut sungah namsau dawhsa tawi-in lampi-ah a ding, a la in mu ahih manin lampi panin pialin gamlakah a pai hi. Balaam in lampi-ah a paikik nadingin a la a sat hi.

Piancilna 18:2

a khuadaktoh leh, ama mai-ah mi thum na ding hi. Amah in amaute a muh ciangin amaute a dawn dingin puanbuk kong panin va tai a, leilakah kunsukin,

Gamlak-vakna 22:31

Tua ciangin Topa in Balaam’ mitte honsak a, a khut sungah namsau dawhsa tawh Topa’ vantungmi lampi-ah a ding mu ahih manin a lu kunin a boksuk hi.

1 KHANG TANGTHU MASATE 21:30

Ahih hangin amah in Topa’ vantungmi’ namsau kihta ahih manin Pasian tungah thu a dong dingin tua lai-ah David pai ngam lo hi.

Daniel 10:5

Ka nunglam ka ettoh leh puanpak silhin kham kawnggak tawh a kawng a gak mi khat ka mu hi.

Paikhiatna 23:23

“Note’ mai-ah ka vantungmi pai-in Amor mite, Hit mite, Perez mite, Kanaan mite, Hiv mite, le Jebus mite kiangah note hong paipihin, keimah in amaute ka phiat khiat ciangin,

Sawltak 1:10

Tua bangin Jesuh a kilaktoh ciangin amaute in vantung lam enenin a om laitakun amaute kiangah puanpak a silh mi nih hong dingvat a,

Zekhariah 1:8

Topa’ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

1 KHANG TANGTHU MASATE 21:27

Tua ciangin Topa’ thupiakna tawh vantungmi in a namsau a pai sungah a siatkik hi.

Thukhente 13:11

Tua ciangin Manoah dingin a zi zui a, mipa kiangah pai-in, “Hihnu kiangah thugenpa nang na hi hiam?” a ci hi. Amah in, “Ka hi hi,” a ci hi.

Daniel 8:3

Ka khuadaktoh leh gun gei-ah tuutal khat a dingin a om ka mu hi. Amah in a sau mahmah ki nih nei a, a ki po nunung pen a po masa sangin a sauzaw hi.

Thukhente 13:22

Manoah in a zi kiangah, “Pasian mu khin ihih manin i si taktak ding hi,” a ci hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Piancilna 33:5

Esau khuadak to-in nupite le naupangte a muh ciangin amah in, “Nang tawh a om hihte kua ahi hiam?” a ci hi. Jakob in, “Pasian in hehpihna tawh na nasempa a piak tate ahi hi,” a ci hi.

Piancilna 33:1

Jakob khuadak a, Esau tawh mihing zali hong pai a mu hi. Tua ahih ciangin amah in Leah, Rachel, le nasem numei nihte’ lakah a naupangte a khen hi.

Mangmuhna 1:13

Tua meivakte lakah, puantualpi khat silhin a awm-ah kham kibawl awmgak a gak, mi tawh a kibang khat ka mu hi.

Piancilna 18:1

Mamre tawsaw gei-a Abraham a omna-ah Topa hong kilang hi. Abraham a puanbuk kong gei-ah sun nisat laitakin tu-in a om laitakin

Piancilna 28:16

Tua ciangin a ihmutna panin Jakob khang lo a, “Hih lai munah Topa om taktak hi; keimah in tua thu ka thei kei hi,” a ci hi.

1 KHANG TANGTHU MASATE 12:22

Pasian’ galkap hon bangin galkap hon tampi a phak dongin a ni ni-in David a huh dingin mi hong paipai hi.