Joshua 3:1 - Tedim Bible

¹ A zing ciangin Joshua tho baihin Israel mi khempeuh tawh Shittim pan dingkhia-in Jordan gun tung uh a, a galkah ma-un tua munah a giak uh hi.

Tedim Bible Revision 2017

¹ A zing ciangin Joshua tho baihin Israel mi khempeuh tawh Shittim pan ding khia-in Jordan gun tung uh a, a gal kah ma-un tua munah a giak uh hi.

Joshua 3:1 Referans Kwoze

Joshua 2:1

Tua ciangin Nun’ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ inn-ah tungin giak uh hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beor’ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal-a thupiangte ngaihsun kik un,” a ci hi.

Jeremiah 26:5

note in a thu na man’ ngei loh uh ahi, kong sawl zelzel ka nasem kamsangte’ thu na thupi sim kei uhleh

Jeremiah 25:3

“Amon’ tapa Josiah, Judah gamah kumpi a suahzawh a kum sawm le thum pan tu ciang dong kum sawmnih le kum thum sung Topa in kei hong hopih a, ke’n zong note kiangah kong gensawn tawntung hangin note in na ngai kei uh hi.

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cihin-ah,

Late 119:60

Kei kinawhin, na thupiakte zuih ding ka zekai kei hi.

Gamlak-vakna 25:1

Shittim-ah Israel mite a om laitakin Moab gam numeite tawh paktat ding kipan uh hi.

Piancilna 22:3

Tua ahih ciangin zingsangin Abraham tho baih a, a la tutphah vawhin, ama nasem tangval nih le a tapa Isaac a paipih hi. Amah in meihal biakpiak nadingin sing ek a, ama tunga Pasian’ gensa munah a pai hi.

Piancilna 21:14

Tua ahih ciangin zingsangin Abraham tho baihin an le tuithawl la-in Hagar pia a, ama liangko tungah naupang tawh suanin a sawlkhia hi. Amah paikhia a, Beersheba gam sungah a vak kawikawi hi.

Joshua 6:12

Tua ciangin zingsangin Joshua tho baih a, siampite in Topa’ Thuciamna Singkuang a la uh hi.

Joshua 6:15

A ni sagih ni-in khuavak tungin tho baih uh a, tua bangmahin khuapi kimkotah sagihvei a pai uh hi. Tuani bekin khuapi kimkotah amaute sagihvei pai uh hi.

Joshua 7:16

Tua ahih ciangin zingsangin Joshua tho baihin, a namnamin Israel-te hong paipih a, Judah minam kila hi.

Joshua 8:10

Zingsangin Joshua tho baihin mite sam a, mite’ mai-ah Israel upate tawh Ai-ah a paito uh hi.

Thukhente 20:19

Tua ciangin Israel mite zingsangin tho-in Gibeah khua a sim dingin giahphual a sat uh hi.

1 SAMUEL MASA 17:20

Tua ciangin Jessi in a thupiak bangin zingsangin David tho baihin, a kem ding midang khat tawh a tuute nusia a, a ante pua-in a pai hi. Mihonte giahphual ah pai-in galdo kikona a ot laitakun amah giahphual va tung hi.