Joshua 24:33 - Tedim Bible

³³ Tua ciangin Aaron’ tapa Eleazar a si hi. Amaute in Efraim mualtung gam sunga a om, ama tapa Finehas tungah a kipia Gibeah khua-ah a vui uh hi.

Tedim Bible Revision 2017

³³ Tua ciangin Aaronʼ tapa Eleazar a si hi. Amaute in Efraim mual tung gam sunga a om, ama tapa Finehas tungah a kipia Gibeah khua ah a vui uh hi.

Joshua 24:33 Referans Kwoze

Joshua 22:13

Tua ciangin Israel mite in Gilead gam a om Reuben mite, Gad mite, le Manasseh minam alangte kiangah siampi Eleazar tapa Finehas,

Paikhiatna 6:25

Aaron’ tapa Eleazer in Putiel’ tanute khat zi-in la hi. Tua nu in amah tawh Finehas nei hi. Hihte pen a innkuan kuanin Levi mite’ beh lutangte ahi hi.

Hebru 7:24

Ahi zongin Jesuh nungta tawntung ahih manin midang tungah a nasep ki-ap nawn loin amahmah in siampi nasep sem paisuak hi.

Sawltak 13:36

David in ama hun lai-in Pasian’ deihna bangin na sem a, a sih ciangin a pu a pate gei mahah kisialin muatna a thuak hi.

Zekhariah 1:5

Tu-in na pu na pate uh koi-ah om ahi hiam? Tua kamsangte nungtalai sa na hi uh hiam?

Late 49:10

Amah in a pilte nangawn a si mu ding a, a haite le a tei lote a kibangin sia-in, amau’ neihsa khempeuh midangte’ tungah nusiat uh hi.

JOB (Job) 30:23

Mi khempeuh a dingin sehkholhin a kikoihsa sihna-ah a hong paipih na hihna ka thei hi.

Thukhente 20:28

Aaron’ tapa Eleazar’ tapa Finehas in tua lai-ah tua hunin na sem hi), “Ka sanggam uh Benjamin mite a sim dingin kuankik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Paito un; bang hang hiam cih leh zing ciangin amaute na khutsung uhah kong pia ding hi,” a ci hi.

Joshua 14:1

Hihte pen, siampi Eleazar, Nun tapa Joshua, le Israel minam sung pan beh lutangte in amaute tungah a piak, Kanaan gam sungah Israel mite’ ngah gamhte ahi hi.

Gamlak-vakna 3:32

Siampi Aaron’ tapa Eleazar pen Levi mi makaite tungah a ukpi hi ding a, biakbuk a en mite’ nasepna vil ding hi.

Paikhiatna 6:23

Aaron in Amminadab’ tanu, Nahshon’ sanggamnu Elisheba zi-in la hi. Tua nu in amah tawh Nadab, Abihu, Eleazar, le Ithamar nei hi.

Thukhente 17:8

Tua mipa a muhna mun peuhpeuhah a teng dingin Judah gam Bethlehem khua panin paikhia hi. Tua bangin khualzinin a pai laitakin Efraim mualtung gam sunga Mikah’ inn-ah va tung hi.

1 SAMUEL MASA 1:1

Efraim mi Zuf’ tapa Tohu, a tapa Elihu, a tapa Jehoram, a tapa Elkanah a kici min nei mi khat Efraim mualtung gam Ramathaimzofim-ah om hi.

1 SAMUEL MASA 9:4

Tua ahih ciangin amaute in Efraim mualtung gamteng le Shalisha gam teng nawkin zong uh a, ahih hangin mu lo uh hi. Tua ciangin amaute in Shaalim gamteng zong uh a, ahih hangin tua gamah na om tuan lo hi. Tua ciangin amaute in Benjamin gamteng zong uh a, ahih hangin mu sam lo uh hi.

2 SAMUEL NIHNA 20:21

Tua thu man lo hi. Ahih hangin Efraim mualtung gammi Bikhri’ tapa Sheba a kici mipa in Kumpi David lehdo hi; amah bek hong pia in. Tua hileh khuapi panin ka nungkik ding hi,” a ci hi. Tua ciangin tua numei in Joab kiangah, “En in, kulh sung panin nang kiangah ama lutang hong kilawnsuk ding hi,” a ci hi.

1 KUMPI MASATE 4:8

Tua a vaihawm uliante: Benhur: Efraim mualtung gam sungah;

2 KUMPI NIHNATE 5:22

Tua ciangin amah in, “A vekpi-in hoih hi. Ka topa in, ‘Kamsangte nih Efraim mualtung gam panin kei kiangah tu mahmahin hong tung hi. Kong thum hi, amaute tungah ngun talen khat le pawipuan nih pia in,’ a ci dingin hong sawl hi,” a ci hi.

Thukhente 18:13

Amaute tua lai mun panin Efraim mualtung gamah paisuakin Mikah’ inn-ah a tung uh hi.

Ezra 7:5

a pa Abishua, a pa Finehas, a pa Eleazar, a pa siampi lianpen pa Aaron: