Joshua 22:5 - Tedim Bible

⁵ Topa’ nasem Moses in note hong piak thupiakna le thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding, le na lungsim khempeuh uh le na nuntakna khempeuh uh tawh ama na na sep ding uh limtakin ngaihsun un,” a ci hi.

Tedim Bible Revision 2017

⁵ Topaʼ nasem Moses in note hong piak thupiakna le thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding le na lungsim khempeuh uh le na nuntakna khempeuh uh tawh ama na na sep ding uh limtakin ngaihsun un,” a ci hi.

Joshua 22:5 Referans Kwoze

Mattiu 22:37

Jesuh in, “Na Topa Pasian na lungsim khempeuh, na nuntakna khempeuh, le na pilna khempeuh tawh na it ding hi, cihna ahi hi.

Paikhiatna 20:6

ahih hangin kei hong itin ka thupiakte a zui mi a tul tampite tungah itna kip a lak pa ka hi hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

Thu-hilhkikna 11:22

“Bang hang hiam cih leh Topa na Pasian uh itin, ama lampi khempeuh zui-in, amah beelin, nomau zuih dingin kong gen hih thupiakna khempeuh zuih ding na kingaihsut uhleh,

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

ROM (Romans) 12:9

Na ki-itnate uh lungsim takpi tawh hi sak unla, a siate mudahin a hoihte lenkip un.

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

Sawltak 27:23

Bang hang hiam cih leh kei tawh a kipawl ka biak Pasian’ vantungmi, tuzanin ka kiangah hong pai a,

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Luka 1:74

i galte kiang panin eite hong hotkhiat nading le launa om loin amah bia-in,

Mattiu 6:24

“Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Late 106:3

Thutang a zui, a tawntungin thumanin a gamta mite, mi nuamsa ahi hi.

Thu-hilhkikna 11:13

“Topa na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tuni-a kong gen ama thupiaknate na zuih uhleh,

Thu-hilhkikna 11:1

“Tua ahih ciangin Topa na Pasian uh itin ama hong thuhilhna, a thukhamte, a ngeina kipte, a thupiakte na zui tawntung ding uh hi.

Thu-hilhkikna 6:17

Amah in note hong thupiaksa ahi Topa na Pasian un hong thupiakte khempeuh na zui ding uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note a dingin amah in na lian hong bawlsaksate ngaihsun un.

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi. Ahi zongin Topa zuihna panin pial kei unla, na lungsim khempeuh uh tawh Topa’ na sem un.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa’ lamah a kiheikik na hih uhleh note’ lak panin gamdang pasian-te le Ashtaroth nusian milim koihkhia-in Topa’ lamah na lungsim uh ngat unla, amah bek bia un. Tua hileh amah in Filistia-te’ khutsung panin note hong honkhia ding hi,” a ci hi.

Thu-hilhkikna 13:4

Topa na Pasian uh nung zui-in, amah na zahtak ding uh a, a thupiaknate zui-in a thu na ngai ding uh a, amah bia-in amah na beel ding uh hi.

Thu-hilhkikna 10:20

Topa note’ Pasian na zahtak ding uh a, ama na semin, amah beelin, ama min tawh na kiciam ding uh hi.

Thu-hilhkikna 4:9

“Na mit un a muhsa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai-ah na din ni-un Topa in kei kiangah, ‘Leitungah a nuntak laiteng uh amaute in kei hong kihtakna ding le amaute in a tate uh a hilhsawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tate’ tungah kitheisak un.

Thu-hilhkikna 4:6

Tuate zui unla, sem un; bang hang hiam cih leh hih thukhamte khempeuh a zak uh ciangin, ‘Hih minam liante pen a pil thuthei taktak hi,’ a ci ding uh mite’ muhna-ah hih thu pen nomau’ pilna le nomau’ theihna hi ding hi.

Thu-hilhkikna 4:4

ahih hangin Topa na Pasian uh a lenkipte khempeuh tuni-in na hinglai uh hi.

Jeremiah 12:16

Tua ciangin, ka mite’ omdan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uhleh ka mite lakah kiptakin a om ding uh hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

Paikhiatna 23:25

Note in Topa na Pasian uh nong bia ding uh a, keimah in na an uh le na tui uh thupha ka pia ding hi. Keimah in note’ lak panin cinatna ka la khia ding hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh le na nuntakna khempeuh uh tawh na zon uhleh amah na mu ding uh hi.

Thu-hilhkikna 5:10

ahih hangin kei hong itin ka thupiakte a zui mi a tul tampite’ tungah itna kip a lak pa ka hi hi.

Paikhiatna 23:13

Note’ tunga kong gente khempeuh thudon un; pasian dangte’ min genin nei kei unla, na kam sung panun zong tua bangte kizasak kei un.