Joshua 22:31 - Tedim Bible

³¹ Tua ciangin siampi Eleazar’ tapa Finehas in Reuben mite, Gad mite, le Manasseh mite tungah, “Topa tungah note zuautat nai lo na hih manun eite’ lakah Topa om hi, ci-in tuni-in i thei hi. Tu-in note in Topa’ gimpiak nading panin Israel mite na honkhia uh hi,” a ci hi.

Tedim Bible Revision 2017

³¹ Tua ciangin siampi Eleazarʼ tapa Finehas in Reuben mite, Gad mite le Manasseh mite tungah, “Topa tungah note zuau tat nai lo na hih manun eiteʼ lakah Topa om hi, ci-in tu ni-in i thei hi. Tu-in note in Topaʼ gimpiak nading panin Israel mite na hon khia uh hi,” a ci hi.

Joshua 22:31 Referans Kwoze

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om laiteng uh note tawh Topa hong om hi. Amah na zon uhleh amah na mu ding uh a, ahih hangin amah na nusiat uhleh amah in note hong nusia ding hi.

1 KORIN MASA 14:25

A lungsim sung uhah a ipcipte uh kipholak ding a, khukdinin Pasian bia-in, “Hih mite lakah Pasian om taktak hi,” ci ding uh hi.

Mattiu 1:23

“Nungak khat gai-in tapa khat nei ding a, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong omkhawm hi, a cihna ahi hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin note’ mai panin Kanaan mite, Hit mite, Hiv mite, Perez mite, Girgash mite, Amor mite, le Jebus mite hawlkhia ding hi.

Paikhiatna 25:8

Amaute’ lakah kei ka om theih nadingin kei a dingin biakbuk khat amaute bawlsak in.

Joshua 22:30

Siampi Finehas le amah tawh a om mihon ukpi, Israel beh lutangte in Reuben mite, Gad mite, le Manasseh mite’ thugenna a zak uh ciangin tua thugennate in amaute lungkimsak mahmah hi.

Joshua 22:32

Tua ciangin siampi Eleazar’ tapa Finehas le ukpite, Gilead gam a om Reuben mite le Gad mite kiang panin Israel mite’ omna Kanaan gamah ciahkik uh a, amaute tungah thu puak kik uh hi.

Ezra 7:5

a pa Abishua, a pa Finehas, a pa Eleazar, a pa siampi lianpen pa Aaron: