Joshua 22:30 - Tedim Bible

³⁰ Siampi Finehas le amah tawh a om mihon ukpi, Israel beh lutangte in Reuben mite, Gad mite, le Manasseh mite’ thugenna a zak uh ciangin tua thugennate in amaute lungkimsak mahmah hi.

Tedim Bible Revision 2017

³⁰ Siampi Finehas le amah tawh a om mihon ukpi, Israel beh lutangte in Reuben mite, Gad mite le Manasseh miteʼ thugenna a zak uh ciangin tua thugennate in amaute lungkimsak mahmah hi.

Joshua 22:30 Referans Kwoze

Joshua 22:33

Tua thu in Israel mite lungkimsak hi. Israel mite in Pasian phat uh a, Reuben mite le Gad mite a tenna leitang susia-in amaute galin do ding gen nawn lo uh hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Paunak 15:1

Kam nemin dawnna in hehna damsak a, kam khauh in hehna piangsak hi.

Esther 1:21

Kumpipa le uliante in hih ngaihsutna hoihsa uh a, Memukan’ gen bangin kumpipa a gamta hi.

2 KHANG TANGTHU NIHNATE 30:4

Hih geelna pen kumpipa le a kikhawm khempeuh a dingin hoih leh kilawm hi.

1 SAMUEL MASA 29:6

Tua ciangin Akhish in David samin ama kiangah, “Topa a nungta ahih mah bangin, nang na thuman a, hih vai-ah kei tawh hong kuankhia-in na ciah ding man ka sa hi. Bang hang hiam cih leh kei kiangah nong pai a kipan tuni dong nang tungah khialhna bangmah ka mu kei hi. Ahih hangin uliante in nang hong thukim lo uh hi.

Thukhente 8:3

Pasian in note’ khut sungah Midian uliante Oreb le Zeeb hong piazo hi. Note tawh teh dingin kote in bang hihzo ka hi uh hiam?” a ci hi. Amah hih bangin kam a pau ciangin ama tunga amau’ hehna a bei hi.

Piancilna 28:8

Tua ahih ciangin Kanaan numeite in a pa lungkimsak lo cih Esau in a theih ciangin,

Joshua 22:29

Ama biakbuk mai-a om Topa ka Pasian uh biakna tau longal, meihal biakna ahi a, an tawh biakna ahi a, biakpiak nading lamna tawh ahi zongin kote in Topa lehdo-in Topa zuihna panin a pial ka hi het kei uh hi,” a ci uh hi.

Joshua 22:31

Tua ciangin siampi Eleazar’ tapa Finehas in Reuben mite, Gad mite, le Manasseh mite tungah, “Topa tungah note zuautat nai lo na hih manun eite’ lakah Topa om hi, ci-in tuni-in i thei hi. Tu-in note in Topa’ gimpiak nading panin Israel mite na honkhia uh hi,” a ci hi.