Joshua 22:22 - Tedim Bible

^22-23 “A Vanglian Pa, Pasian, Topa! A Vanglian Pa, Pasian, Topa! Amah in thei hi. Israel mahmah in zong thei ta hen! Lehdona ahi a, Topa’ tungah thuman lohna ahi zongin ahih a, Topa zuihna panin a pial dingin biakna tau lam ka hih uhleh, tuni-in kote hong zah kei hen. Tua ahih kei leh zong, tua tungah meihal biakna ahi a, an tawh biakna ahi a, thunuama biakna ahi zongin piakna dingin a lam ka hih uhleh Topa mahmah in hong thuk tahen.

Tedim Bible Revision 2017

^22-23 “A Vanglian Pa, Pasian, Topa! A Vanglian Pa, Pasian, Topa! Amah in thei hi. Israel mahmah in zong thei tahen! Lehdona ahi a, Topaʼ tungah thuman lohna ahi zongin ahih a, Topa zuihna panin a pial dingin biakna tau lam ka hih uh leh, tu ni-in kote hong zah kei hen. Tua ahih kei leh zong, tua tungah meihal biakna ahi a, an tawh biakna ahi a, thunuam a biakna ahi zongin piak nadingin a lam ka hih uh leh Topa mahmah in hong thuk tahen.

Joshua 22:22 Referans Kwoze

1 KUMPI MASATE 8:39

na tenna vantung panin za-in maisak in. Tua ciangin amau’ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi).

Thu-hilhkikna 10:17

Bang hang hiam cih leh Topa na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-te’ Pasian, topate’ Topa ahi hi.

Late 44:21

Pasian in hih thu mukhia lo ding ahi hiam? Bang hang hiam cih leh amah in lungsim thusim a thei hi.

JOB (Job) 10:7

Ka mawh lohna na thei a, nang kiang panin kei hong hon ding a om lohna na theihsa mah ahi hi.

Jeremiah 17:10

Keimah Topa in mi khempeuh’ nuntakzia le a gamtatna tawh kizui-in a piakhia dingin ngaihsutna ka entel a, lungsim ka sittel hi,” a ci hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi hen la, vanglian tawntung tahen. Amen.

2 KORIN NIHNA 11:31

Topa Jesuh’ Pa Pasian in thupha ngah tawntung tahen. Amah in ka zuau hetloh lamtak a hong thei hi.

2 KORIN NIHNA 11:11

Hih bangin kam ka pau ciangin note ka hong it loh man ahi hiam? Note ka hong itna hang hizaw hi. Hih thu Pasian in thei hi.

2 KORIN NIHNA 5:11

Pasian zahtak nading thu ka lungsim uhah om tawntung ahih manin mite ka zolzawh nadingun ka hanciam uh hi. Pasian in kote’ lungsim teltakin hong thei a, note in zong na lungsim uhah kei hong thei dingin ka hong um hi.

Sawltak 25:11

Thukham palsatin sihna thuak nading thu khat peuhpeuh a gamta hi leng, suahtak nading thu ka gen het kei ding hi. Hih amaute’ hong mawhzonnate a man lo ahihleh zong kuamah in amaute’ khut sungah hong ap zo lo ding uh hi. Gam uk kumpipa tungah a zu ka khan hi,” ci-in a dawng hi.

Sawltak 1:24

Tua ciangin amaute in thu ngen uh a, “Mihing khempeuh’ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Johan 21:17

Jesuh in a thumveina dong leuleu a, “Johan’ tapa Simon aw, kei na hong it hiam?” a cih ciangin, “Kei na hong it hiam?” ci-in thumvei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesuh in, “Ka tuute na kem in.

Malakhi 3:18

Tua ciangin midikte le migilote, le keima na hong semte le hong sem lote a kilamdanna na mukik ding uh hi,” a ci hi.

Micah 7:9

Topa tungah khialkhin ka hih manin ama hehna tawlkhat ka thuak ding hi. Ahi zongin a tawpna-ah kei hong huh ding a, a man lopi-in a hong kibawlna teng hong bawlphat sakin, amah in hong honkhia ding hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lianzaw a, a Lianpen Pasian sangin zong ka thupizaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 2:47

Kumpipa in, “Hih thuthukpi hong genthei na hih manin na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi.

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kaikhia inla, a kigawh ni hun ding a tun mateng tuamkoih in.

Late 136:2

Lungdamna pen pasian-te’ Pasian’ tungah ko un; bang hang hiam cih leh ama itna kip tawntung hi.

Late 97:7

Bangmah a man lo milimte a kisaktheihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Late 95:3

Bang hang hiam cih leh Topa, a lian Pasian hi a, pasian khempeuh tungah Kumpi lianpa ahi hi.

Late 82:1

Thu vaihawm kikhopna sungah Pasian in ama panmun hong len a, amah in pasian-te’ lakah thu a khen hi.

Late 37:6

Amah in nangma dikna khuavak bangin, nangma thumanna nitaang bangin hong langsak ding hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

1 SAMUEL MASA 15:23

Bang hang hiam cih leh lehdona pen aisan mawhna bangmah hi a, lungkhauhna pen mawhna le milim biakna mah a bang ahi hi. Nangmah in Topa’ thu nial khin na hih manin, amah in zong kumpi hihna pan nang hong nolh khin hi,” a ci hi.

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat lai takin amah in Egypt mite’ khutnuai panin mite khahkhia hi,” a ci hi.

Joshua 22:21

Tua ciangin Reuben mite, Gad mite, le Manasseh minam alangte in Israel beh lutangte dawngin,

Late 40:9

Hotkhiatna hangin lungdam thu mihonpi lakah ka gen ding hi. Topa aw, lungdam thugen ka khawl ngei kei ding hi.

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.

1 SAMUEL MASA 2:3

Tua bangin kiphatsakna tawh pau nawn kei inla, na kamsung pan kihihsakna gingkhiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

JOB (Job) 31:22

ka khutte buisum hen la, ka liang bul panin kilongkhia tahen.

Late 44:22

Nangma hangin sunthapai-in kote hong kithat a, gan gote’ tuu gawh ding bangin kote hong kikoih hi.