Joshua 2:5 - Tedim Bible

⁵ Kulhkongpi a kikhak ding khuamial ciangin tua mite paikhia uh a, koi-ah pai uh hiam, cih ka thei kei hi. Manlangin amaute delh le-uhcin na pha kha ding uh hi,” a ci hi.

Tedim Bible Revision 2017

⁵ Kulh kongpi a kikhak ding khuamial ciangin tua mite paikhia uh a, koi ah pai uh hiam, cih ka thei kei hi. Manlangin amaute delh le-uhcin na pha kha ding uh hi,” a ci hi.

Joshua 2:5 Referans Kwoze

Mangmuhna 21:25

Zan khuamial hun cih om lo ding ahih manin kulhkongpite khak hun cih om loin a tawntungin kihong paisuak ding hi.

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo ding a, a gah tawh zong kilawi ngei lo ding hi. Biakinn panin a luangkhia tui ngah ding uh ahih manin khasimin a gah thak gah tawntung ding uh hi. A singgahte an ding hi ding a, a tehte zatui-in kizang ding hi,” hong ci hi.

Jeremiah 50:20

Tua ni hun ciangin, Topa in kong cihin-ah, Israel gamah khialhna kizong ding a, a kimu kei ding hi. Judah gamah mawhna kizong ding a, a kimu tuan kei ding hi. Bang hang hiam cih leh ka nuntaksak, ka nusiatlai mite a mawhna uh ka maisak ding hi.

Isaiah 60:11

Kigual deudau-in a hong paina uhah a kumpite uh hong makai-in, mite in minamte’ hauhna na kiang hong tuttheih nadingin na kulhkongpite kihong tawntung ding a, a sun a zanin kikhak ngei lo ding hi.

Nehemiah 13:19

Tua hi a, Sabbath ni ding khuamial ciangin kongpite a kikhakna ding ka sawl a, Sabbath bei khit mateng a kihon loh nadingin thu ka pia hi. Tua ciangin, Sabbath ni-in khua sungah van hong kilutpih lohna dingin kongpite a cing dingin ka nasemte pawlkhat ka koih hi.

Joshua 2:7

Tua ahih ciangin mite in Jordan lamah ngahmun dong delh uh a, a delhte a paikhiat phetin kulhkongpi kikhak hi.

Joshua 2:4

Ahih hangin Rahab in tua mi nihte la-in na seel khin hi. Tua ahih ciangin amah in, “Hi mah hi, ka kiangah mi hong pai uh hi. Ahih hangin amaute koi pan hong pai uh hiam, cih ka thei kei hi.

Joshua 2:6

Ahih hangin amah in innkhum zangah tua mite paipih to-in innkhum zangah a koih ngei bangin a koihsa anthul kungte lakah amaute seel khin hi.

1 SAMUEL MASA 19:14

Saul in David a man dingin mi a paisak ciangin amah in, “Amah a ci na hi,” na ci hi.