Joshua 2:19 - Tedim Bible

¹⁹ Mi khatpeuh na innsung panin kongzing lampi-ah a paikhiat le ama sihna pen ama khialhna hang hi ding a, kote ka siang ding uh hi. Ahih hangin inn sungah nang tawh a om mi khatpeuh a kisukkhak leh, ama sihna pen kote’ khialhna hi ding hi.

Tedim Bible Revision 2017

¹⁹ Mi khatpeuh na inn sung panin kongzing lampi ah a paikhiat le ama sihna pen ama khialhna hang hi dinga, kote ka siang ding uh hi. Ahih hangin inn sungah nang tawh a om mi khatpeuh a kisukkhak leh, ama sihna pen koteʼ khialhna hi ding hi.

Joshua 2:19 Referans Kwoze

Sawltak 27:31

Ahi zongin Paul in galkap bupa le galkapte kiangah, “Teembaw hawlte teembaw tungah hong om nawn kei leh na suaktazo kei ding uh hi,” a ci hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui bangte sinsanin, “Pasian tawh kikhenin siatna na tuah uhleh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Paikhiatna 12:23

Bang hang hiam cih leh Egypt mite a that dingin Topa in hong nawk ding hi. Bangtungzawl le kongkhak khuam nih tunga sisan a muh ciangin Topa in kongkhak paisan ding a, a susia dingte pen note that dingin na innsung uhah tumsak lo ding hi.

Paikhiatna 12:13

Note’ omna inn tunga sisan pen note a dingin lim hi ding hi. Sisan ka muh ciangin note kong paisan ding a, Egypt leitang ka vatgawp ciangin note hong susia ding gimna note’ tungah hong tung lo ding hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Sawltak 20:26

Tua ahih ciangin tuni mahmahin note tungah limtakin kong gennop thu in: Note khat peuhpeuh Pasian tawh kikhenin siatna na tuah uhleh kei’ tavuan hi nawn lo hi.

Mattiu 24:17

inn tungah a om mite zong, inn sungah van a la dingin lut nawn kei uh hen.

1 KUMPI MASATE 2:32

Topa in ama mawhna ama lu tung mahah tungsakkik ding hi. Bang hang hiam cih leh ka pa David’ theih loh kalin amah in Israel galkapte a uk Ner’ tapa Abner le Judah galkapte a uk Jether’ tapa Amasa, amah sangin thuman zaw-in a hoihzaw ahi mihing nih do-in namsau tawh a that hi.

2 SAMUEL NIHNA 4:11

Migilote in a thuman mi khat ama innsung a lupna tungah a thah ciangin note’ tungah ama phu hong la-in, leitung panin note hong susiazaw kan ding hi lo ahi hiam?” a ci hi.

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung ta hen; bang hang hiam cih leh nangma kampau in nang’ langkhatah teci pangin, ‘Topa’ sathau nilh pa ka that khin hi,’ na ci hi,” a ci hi.

Joshua 2:14

Mite in ama tungah, “Nang’ tangin kote ka si ngam uh hi. Hih ko’ thu na genkhiat kei nakleh , Topa in kote tungah hih leitang hong piak ciangin nang tungah dikna le thumanna tawh kong gamta ding uh hi,” a ci uh hi.

Siampi Laibu 20:11

A pa’ zi tawh a lumkhawm mipa in a pa a mindaisak a suak hi. Amau tegel kithat ding hi. Amau’ sihna amau mah ngawh ding ahi hi.

Siampi Laibu 20:9

“Bang hang hiam cih leh a nu ahih kei leh a pa a samsia mi peuhmah kithat ding hi. Amah in a nu ahih kei leh a pa samsia khin a, ama sihna amahmah ngawh ding ahi hi.

Joshua 2:12

Tua ahih ciangin tu-in note tungah kong dik gamtat bangin note zong ko innkuan-ah nong dik gamtat nading uh Topa’ min tawh kei tungah hong kiciam unla, a man taktak lim khat kei hong pia un.

Joshua 2:20

Ahih hangin hih ko thute na genkhiat leh, kote nong kiciamsak thuciamna tawh kisai-in kote ka siang ding uh hi,” a ci uh hi.

Paikhiatna 12:22

Puknah lomkhat la unla, kuang sunga om sisan sungah diahin, kuang sunga om sisan tawh bangtungzawl le kongkhak khuam nihte nuh un. Zingsang matengin a inn kongkhak pua-ah kuamah paikhia lo ding hi.