Joshua 2:16 - Tedim Bible

¹⁶ Amah in amaute kiangah, “Mualtungah pai un. Hong delhte tawh na kituak kha ding uh hi. Hong delhte hong ciahkik mateng ni thum sung tua lai-ah bu un. Tua khit ciangin na pai nading uhah na pai thei ding uh hi,” a ci hi.

Tedim Bible Revision 2017

¹⁶ Amah in amaute kiangah, “Mual tungah pai un. Hong delhte tawh na kituak kha ding uh hi. Hong delhte hong ciahkik mateng ni thum sung tua lai ah bu un. Tua khit ciangin na pai nading uh ah na pai thei ding uh hi,” a ci hi.

Joshua 2:16 Referans Kwoze

Jeim 2:25

Numei paktat Rahab zong tua bangmah ahi hi. Israel mi thukante hoihtakin zin na do-in, lampi dangah ciahsakin na suaktasak a, ama nasepna hangin Pasian tawh kipawl theihna a ngah ahi hi.

1 SAMUEL MASA 23:14

Zif gamlak mualtung gam sung, gamlak munmuanhuaina-ah David om hi. Saul in nisimin amah zong a, ahih hangin Pasian in ama tungah David pia lo hi.

Late 11:1

Ke’n Topa ka bel hi. Bang hangin ka tungah, “Vasa leeng bangin mualtungah tai in;

1 SAMUEL MASA 23:29

Tua lai panin David paito-in Engedi munmuanhuai-ah a om hi.

Joshua 2:22

Amaute paikhia-in mualtungah pai uh a, a delhte a ciahkik mateng ni thum sung om uh hi. Bang hang hiam cih leh a delhte in lamdung khempeuh zongin bangmah mu lo uh hi.

Joshua 2:15

Tua ciangin amah in tawlet panin khau khat tawh amaute khaisuk hi. Bang hang hiam cih leh khuapikulh sung lampangah ama inn kilam a, khuapikulh sungah amah teng hi.