Joshua 19:51 - Tedim Bible

⁵¹ Hihte pen siampi Eleazar le Nun tapa Joshua le Israel minam beh lutangte in kikhopna bukkong, Topa’ mai Shiloh-ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Tedim Bible Revision 2017

⁵¹ Hihte pen siampi Eleazar le Nun tapa Joshua le Israel minam beh lutangte in kikhopna buk kong, Topaʼ mai Shiloh ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Joshua 19:51 Referans Kwoze

Joshua 18:10

Joshua in amaute a dingin Topa’ mai Shiloh-ah ai sansak hi. Tua ciangin Joshua in amau’ tanh ding ciat Israel-te tungah leitang a pia hi.

Joshua 14:1

Hihte pen, siampi Eleazar, Nun tapa Joshua, le Israel minam sung pan beh lutangte in amaute tungah a piak, Kanaan gam sungah Israel mite’ ngah gamhte ahi hi.

Joshua 18:1

Tua ciangin Israel mihon buppi Shiloh-ah kikhawmin tua lai-ah kikhopna buk lam uh a, amaute’ mai-ah gam zawhsa-in om hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Mattiu 25:34

Tua ciangin Kumpipa in a taklamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note a dingin a kibawlkholsa gamnuam hong luah un.

Mattiu 20:23

Jesuh in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilama tutding pen kei’ hong piaktheih hi lo hi. Ka Pa in a sehsa mite a’ ding bek ahi hi,” a ci hi.

Late 78:60

Mihingte’ lakah ama omna puanbuk ahi, Shiloh khua-a ama omna biakinn nusia a,

1 SAMUEL MASA 1:3

Elkanah a kumkumin a khuapi panin, Eli’ tapa nihte Hofni le Finehas in Topa’ siampi a sepna mun Shiloh-ah Vanglian Topa a bia ding le ama tungah biakna a pia dingin a pai zel hi.

Thukhente 21:21

vil un. Laamna-ah Shiloh nungakte a laam dingin hong pai uhleh, leenggui lote panin note in delhin mi khempeuh in na zi ding ciat uh Shiloh nungakte man unla, Benjamin gamah ciahpih un.

Thukhente 21:19

Tua ahih ciangin amaute in, “En un, Bethel leilu lam, Bethel panin Shekhem lamah a paito lam lianpi nisuahna lam, Lebonah leitaw lamah a om Shiloh-ah Topa a’ ding kumsim pawi khamna om hi,” a ci uh hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Sawltak 13:19

Pasian in Kanaan gam sungah mi nam sagih a suksiat khit ciangin kum zali le kum sawmnga sung bang ama mite a luahsak hi.

Joshua 20:1

Tua ciangin Topa in Joshua kiangah,