Joshua 19:22 - Tedim Bible

²² A gamgi in Tabor, Shahazumah, le Bethshemesh zong ban a, Jordan-ah a tawp hi. Khuapi sawm le guk, a khuaneute tawh ahi hi.

Tedim Bible Revision 2017

²² A gamgi in Tabor, Shahazumah le Beth-shemesh zong ban a, Jordan ah a tawp hi. Khuapi sawm le guk, a khuaneute tawh ahi hi.

Joshua 19:22 Referans Kwoze

Thukhente 4:6

Amah in mi sawlin Naftali gam Kedesh panin Abinoam’ tapa Barak samsakin ama kiangah, “Topa, Israel-te’ Pasian in nang thu hong pia-in, ‘Pai in, Tabor Mual-ah na mite khawm inla, Naftali minam le Zebulun minam panin mi tul sawm bang la in hong ci hi lo ahi hiam?

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sangzaw-in, Karmel mual, tuipi tungah sangpi-in a dawktoh bangin, no hong sim pa’ thahatna a lian mahmah ding hi.

Late 89:12

Saklam le khanglamte nangma bawlsa hi a, Tabor mual le Hermon mual in lungdamna tawh na min hong phat uh hi.

1 KHANG TANGTHU MASATE 6:77

Merari-te beh a omlaite tungah Zebulun-te’ gam sung panin a kipiate: Rimmono a lonona gamte tawh, Tabor a lonona gamte tawh,

1 KUMPI MASATE 4:9

Bendeker: Makaz khua, Shaalbim, Bethshemesh khua, le Elonbethhanan khua sungah;

Joshua 21:16

Ain a lonona gamte tawh, Juttah a lonona gamte tawh, le Bethshemesh a lonona gamte tawh, hih minam nihte sung panin khuapi kua a pia uh hi.

Joshua 19:38

Iron, Migdalel, Horem, Bethanath, le Bethshemesh - khuapi sawm le kua, a khuaneute tawh ahi hi.

Joshua 19:12

Sarid panin nisuahna lam manawhin pai-in Khislothtabor gamgi-ah tung hi.

Joshua 19:21

Remeth, Engannim, Enhaddah, le Bethpazzez a huam hi.

Joshua 19:23

Hihte pen a beh tawh kizui-in Issakhar minamte’ luah hi a, a khuapite a khuaneute tawh ahi hi.

Thukhente 4:12

Abinoam’ tapa Barak, Tabor Mual-ah paito khin, ci-in Sisera kiangah a kigen ciangin,

1 KHANG TANGTHU MASATE 6:62

Gershom-te beh tungah a innkuan-a kizui-in Issakhar-te’ gam, Asher-te’ gam, Naftali-te’ gam, le Bashan-a om Manasseh-te’ gam sung panin khuapi sawm le thum kipia hi.