Joshua 16:10 - Tedim Bible

¹⁰ Ahi zongin amaute in Gezer sunga teng Kanaan mite hawlkhia lo uh hi. Tua ahih ciangin tuni dongin Kanaan mite pen Efraim mite lakah teng a, ahih hangin aana nasep a sem dingin sal a suak uh hi.

Tedim Bible Revision 2017

¹⁰ Ahi zongin amaute in Gezer sunga teeng Kanaan mite hawl khia lo uh hi. Tua ahih ciangin tu ni dongin Kanaan mite pen Efraim mite lakah teeng a, ahih hangin aana nasep a sem dingin sal a suak uh hi.

Joshua 16:10 Referans Kwoze

Thukhente 1:29

Efraim mite in zong Gezer-ah a teng Kanaan mite hawlkhia lo uh ahih manin Gezer-ah amaute’ lakah Kanaan mite a teng uh hi.

1 KUMPI MASATE 9:16

(Egypt kumpi Faro paito a, Gezer la-in mei tawh hal a, a khuapi sunga teng Kanaan mite thatin Solomon’ zi, a tanu’ tungah mokenin a khuapi a piak ahi hi.

Joshua 17:13

Ahih hangin Israel mite tampi pha-in a hat uh ciangin amaute in Kanaan mite nasemin koih uh a, hawlkhiamang khin lo uh hi.

1 KUMPI MASATE 9:21

Israel mite in a suksiat khit siang zawh loh, tua gamah amau’ nunga a omlai a suanlekhakte uh, Solomon in aana tawh na a sem salin bawl ahih ciangin tuni dongin tua bangmahin amaute om uh hi.

Joshua 15:63

Ahih hangin Judah mite in Jerusalem-a a teng Jebus mite hawlkhia zo lo uh hi. Tua ahih ciangin tuni dongin Jebus mite pen Judah mite tawh Jerusalem-ah a tengkhawm uh hi.

Joshua 10:33

Tua ciangin Lakhish a huh dingin Gezer kumpipa Horam hong kuanto hi. Ahi zongin khat zong a om nawn lo dongin Joshua in amah le a mite a vatgawp hi.

Joshua 16:9

Manasseh mite’ gamhluah sung panin Efraim mite a dingin a kikhenkhia khuapite, a khuaneute tawh ahi hi.

Joshua 17:12

Ahi zongin Manasseh’ tapate in hih khuapite luah zo lo uh ahih manin tua gamah Kanaan mite teng teitei uh hi.

1 KUMPI MASATE 9:15

Topa’ biakinn, ama inn, Jerusalem kulh, le Hazor, Megiddo, le Gezer khuate a lam dingin Kumpi Solomon in aana tawh na a semte a la hi.

2 KHANG TANGTHU NIHNATE 8:8

Israel mite in a suksiat nai loh amau nungah a suanlekhakte uh tua gam sungah a omlaite, Solomon in aana tawh siah a pia dingin bawl a, tua bangin tuni dongin amaute om uh hi.