Joshua 13:25 - Tedim Bible

²⁵ Amau’ gam pen Jazer, le Gilead khuapite khempeuh, le Rabbah nisuahna lamah a om Aroer ciang dong Ammon mite’ leitang kimkhat,

Tedim Bible Revision 2017

²⁵ Amauʼ gam pen Jazer le Gilead khuapite khempeuh le Rabbah nisuahna lamah a om Aroer ciang dong Ammon miteʼ leitang kim khat,

Joshua 13:25 Referans Kwoze

2 SAMUEL NIHNA 12:26

Tu-in Joab in Ammon khuapi Rabbah simin a khuapi tuikhuk la hi.

2 SAMUEL NIHNA 11:1

Galdo dingin kumpite a kuankhiat hun tua kum phalbi sungin David in Joab, le amah tawh a om a nasemte, le Israel-te khempeuh sawl a, amaute in Ammon mite sugawpin Rabbah khua umcih uh hi. Ahih hangin David Jerusalem-ah om hi.

Thu-hilhkikna 3:11

(Bang hang hiam cih leh Bashan kumpipa Og bek Refaim gam sungah a omlai ahi hi. Ama lupna a han pen suang han hi a, Ammon mite’ khuapi Rabbah-ah tua han omlai hi lo ahi hiam? Tua han a sauna pi sawm le li dektak hi a, a zaina pi guk ahi hi.)

Gamlak-vakna 32:35

Atrothshofan, Jazer, Jogbehah,

Amos 1:14

Tua ahih ciangin Rabbah khuapikulh ka haltum ding a, a munmuanhuai teng khempeuh kangtum ding hi. Galdo a kikona aw ging ding a, tua kidona awging khuapi huihnung bang ding hi.

Ezekiel 21:20

Tua lamka khat in Ammon mite’ khuapi Rabbah-ah kumpipa a tun theih nadingin lak ding a, a khat pen in Judah gam sunga om Jerusalem khuapi sung teek a tun nadingin lak ding hi.

Joshua 21:39

Heshbon a lonona gamte tawh, le Jazer a lonona gamte tawh, a vekpi-in khuapi li kipia hi.

Thu-hilhkikna 2:19

Ammon mite’ leitang na neih dingun khat zong hong pia lo ding ka hih manin, Ammon mite’ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lot’ suanlekhakte tungah ka pia khin hi,’ hong ci hi.

Gamlak-vakna 21:32

Moses in Jazer khua thu a kansim dingin mi a sawl hi. Amaute in a khuaneute la-in tua lai-a om Amor mite suankhia uh hi.

Joshua 13:11

Gilead, le Geshur mite le Maakath mite’ gam, le Hermon Mual khempeuh, le Salekah dong Bashan gam khempeuh;

Joshua 13:24

Tua ciangin Moses in Gad minamte tungah zong amau’ beh tawh kizui-in gamh pia hi.

Joshua 13:26

le Heshbon panin Ramathmizpeh le Betonim ciang, le Mahanaim panin Debir gam ciang dong,

2 SAMUEL NIHNA 24:5

Amaute in Jordan kantanin kuam laizang a om khuapi Aroer panin kipanin Gad lam manawh uh a, Jazer-ah paisuak uh hi.

1 KHANG TANGTHU MASATE 6:81

Heshbon a lonona gamte tawh, le Jazer a lonona gamte tawh ahi hi.

1 KHANG TANGTHU MASATE 26:31

Hebron mite sung panin Jerijah a ukpi ahi hi. (David’ uk a kum sawmlina kumin kikantelna bawl uh a, Gilead gam sung Jazer-ah amaute sung panin siamna lian a nei mihing kimu hi.)

Isaiah 16:8

Bang hang hiam cih leh a hiang zaai-in tuipi kantan a, Jazer khua banin sehnel gam dongah a zaam ama hiangte, minam dangte’ tote in sattan ahih manin Heshbon lolaite le Sibmah leengguite vul ta uh hi.

Jeremiah 48:32

Sibmah khua aw, Jazer khua a’ ding sangin nang a dingin ka nak kahzaw hi. Nang pen leenggah gui zaam bangin na hiangte in tuipi kantan a, Jazer khua dongah na zaam suak hi. Na khuakhal ante le na leenggahte hong kisuksiatsak ta hi.

Thukhente 5:17

Jordan galkhatah Gilead om hi. Dan minamte bang hangin teembaw tawh om ahi hiam? Asher minamte, tuipi gei-ah tu lai a, leilak a tunna gei-ah a teng uh hi.

Isaiah 17:2

Ama khuapite kinusiacip paisuak ding hi. Tuuhonte’ omna mun suak ding a, tua tuuhonte lum hithiatin bangmah in lausak lo ding hi.