Joshua 12:2 - Tedim Bible

^2-3 Heshbon-ah a teng Amor kumpi, Arnon kuam gei-a om Aroer pan, le Gilead kuam laizang panin phellang ahi Ammon mite’ gamgi Jabbok gun ciang dong, le Arabah panin nisuahna lamah Khinneroth Tuipi, le Bethjeshimoth lamah Pisgah mualpang bul leitaw lama om Ci Tuipi ahi Arabah tuipi ciang dong a uk Sihon;

Tedim Bible Revision 2017

^2-3 Heshbon ah a teeng Amor kumpi, Arnon kuam gei-a om Aroer pan le Gilead kuam laizang panin phel lang ahi Ammon miteʼ gamgi Jabbok gun ciang dong le Arabah panin nisuahna lamah Khinneroth Tuipi le Beth-jeshimoth lamah Pisgah mual pang bul leitaw lam a om Ci Tuipi ahi Arabah tuipi ciang dong a uk Sihon;

Joshua 12:2 Referans Kwoze

Piancilna 32:22

Tua zan mahin amah tho-in a zi nihte, a nasem numei nihte, le a ta sawm le khatte la-in, Jabbok ngahmun a kantan hi.

Late 135:11

Amor kumpipa Sihon, Bashan kumpipa Og le Kanaan kumpite a that hi.

Nehemiah 9:22

Nangmah in amaute tungah kumpi gamte le mite na pia a, tuate pen galsung van ngah dingin na piak ahi hi. Tua ahih ciangin amaute in Heshbon kumpipa Sihon’ gam le Bashan kumpipa Og’ gam luah uh hi.

Thukhente 11:22

Amaute in Arnon gun panin Jabbok lui ciang leh sehnel gam panin Jordan gun ciang, Amor mite’ gam khempeuh a luah uh hi.

Thukhente 11:13

Ammon mite’ kumpipa in Jefthah’ kamtaite dawng a, “Egypt panin Israel-te hong pai lai-in Arnon panin Jabbok le Jordan ciang ka gam hong laksak hang ahi hi. Tua ahih ciangin tu-in thudamin hong piakik in,” a ci hi.

1 KHANG TANGTHU MASATE 5:8

le Joel mite beh sung panin Shema’ tapa Azaz, a tapa Bela ahi hi. Aroer le tua panin Nebo le Baalmeon ciang dongah a teng uh hi.

Jeremiah 48:19

Aroer khua-a teng mite aw, lam gei-ah dingin na en un! A hong galtai numei le pasalte kiangah, ‘Bang thu piang ahi hiam?’ ci-in dong un.