Joshua 11:23 - Tedim Bible

²³ Topa in Moses tungah a gensa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Tedim Bible Revision 2017

²³ Topa in Moses tungah a gen sa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Joshua 11:23 Referans Kwoze

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

Joshua 23:1

Topa in amau’ kiima om gal khempeuh panin Israel mite tungah lungmuanna a piak khit a sawtpi ciangin Joshua teekin a kum tampi pha ta hi.

Joshua 22:4

Tu-in Topa na Pasian un amaute tungah a ciamsa bangin na sanggamte uh tawlngakna pia hi. Tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uhah note ciah un.

Joshua 18:10

Joshua in amaute a dingin Topa’ mai Shiloh-ah ai sansak hi. Tua ciangin Joshua in amau’ tanh ding ciat Israel-te tungah leitang a pia hi.

Joshua 11:18

Hih kumpite khempeuh le Joshua sauveipi sung a kido hi.

Thu-hilhkikna 25:19

Tua ahih ciangin Topa note’ Pasian in note’ neih dingin gamh-in hong piak leitang tungah, Topa na Pasian un na kiim uha na galte khempeuh panun tawlngakna hong piak ciangin, mun khempeuh panin Amalek mite a kiphawkna na phiatkhiat ding uh na mangngilh kei ding uh hi.

Thu-hilhkikna 1:38

Nun’ tapa Joshua, nangma mai-ah a ding pa lut ding hi. Amah hanthawn in; bang hang hiam cih leh amah in Israel mite tua gam luahsak ding hi.

Paikhiatna 34:11

“Tuni-a kong thupiak zui in. En in, na mai-ah Amor mite, Kanaan mite, Hit mite, Perez mite, Hiv mite, le Jebus mite ka hawlkhia ding hi.

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam a teng Kanaan mite na nuaisiah a, a ut bang bangun a bawl dingun a kumpite le a mite amau’ khut sungah na pia hi.

Ezekiel 45:8

Hih munteng pen Israel gam sung panin Israel uliante’ neih hi ding hi. Tua ahih manin amaute in Israel mite bawlsia nawn lo ding uh a, mun a omlaiteng khempeuh, a minam zui-in Israel minamte a tangsak ding uh hi.

Joshua 12:7

Hihte pen, Joshua le Israel mite in a zawh Jordan nitumna lampang, Lebanon kuam sung Baalgad panin Seir lamah a kikhungto Halak Mual kikal-a om kumpite ahi hi. (Joshua in mualtung gam, lei niamna gam, Arabah gam, mualpang suk, sehnel gam, le Negeb gam sunga om Hit mite, Amor mite, Kanaan mite, Perez mite, Hiv mite, le Jebus mite’ leitangte Israel minamte’ tungah amau’ ngah ding tawh kizui-in a neih dingun a pia hi.)