Joshua 11:21 - Tedim Bible

²¹ Tua hun laitakin Joshua hong pai-in mualtung gam, Hebron, Debir, Anab, le Judah mualtung gam khempeuh, le Israel mualtung gam khempeuh panin Anak mite notkhiasiang a, Joshua in a khuapite uh tawh amaute susiamang khawm hi.

Tedim Bible Revision 2017

²¹ Tua hun laitakin Joshua hong pai-in mual tung gam, Hebron, Debir, Anab le Judah mual tung gam khempeuh le Israel mual tung gam khempeuh panin Anak mite not khia siang a, Joshua in a khuapite uh tawh amaute susia mang khawm hi.

Joshua 11:21 Referans Kwoze

Thu-hilhkikna 1:28

Koi lai-ah paito ding ihi hiam? I sanggamte in i lungsim hong siasak khin uh a, “A mite ei sangin lianzaw-in sangzaw uh hi. A khuapite lianin van banin ki-um hi. Tua tham loin Anak mite tua munah ka mu uh hi,” hong ci uh hi,’ na ci uh hi.

Mangmuhna 6:2

Ka khuadak leh sakol kang khat hong pai a, a tungah a tuang pa in thal khat a tawi hi. Ama tungah lukhu khat kipia a, a gualzo pa hihna tawh a gualzo dingin a kuankhia hi.

Amos 2:9

Ahi zongin amaute ka khualna hangin taamtak sing bangin a sang mahmah, tawsaw kung bangin a khauhtuak mahmah Amor mite amau a dingin ka suksiatsak a, a dawn pan a kipan a zung dongin ka sukmaisak hi.

Jeremiah 9:23

Tua ciangin Topa in, “Mipilte in a pilna uh kisaktheihpih kei uh hen la, mi hatte in a hatna uh kisaktheihpih kei uh hen. Mihaute in zong a hauhna uh kisaktheihpih kei uh hen.

Jeremiah 3:23

Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

Thukhente 1:20

Tua ciangin Moses in a gensa bangin Kaleb tungah Hebron kipia a, tua sung panin amah in Anak’ tapa thumte a hawlkhia hi.

Joshua 10:42

Israel-te’ Topa Pasian in Israel-te a dingin dosak ahih manin Joshua in hih kumpite khempeuh le amau’ leitang hun khat sungin a la khin hi.

Gamlak-vakna 13:33

Tua lai-ah Nefilim mite (Nefilim pana hong piang Anak mite) ka mu uh hi. Kote pen kauphe bang lelin ka kingaihsun uh a, amau’ muhna-ah zong tua bangmah ka hi takpi uh hi,” a ci uh hi.