Joshua 10:11 - Tedim Bible

¹¹ Israel-te’ mai-ah amaute a tai laitak, Bethhoron paitohna-ah amaute a paisuk laitakun, Topa in vantung panin gialpi lianpite Azekah khua ciang dong, amaute’ tungah lawnsuk a, amaute a si uh hi. Israel mite in namsau tawh a thah sangin tua gialpi hangin a si mi tamzaw hi.

Tedim Bible Revision 2017

¹¹ Israel-teʼ mai ah amaute a tai laitak, Beth-horon pai tohna ah amaute a pai suk laitakun, Topa in vantung panin gialpi lianpite Azekah khua ciang dong, amauteʼ tungah lawn suk a, amaute a si uh hi. Israel mite in namsau tawh a thah sangin tua gialpi hangin a si mi tam zaw hi.

Joshua 10:11 Referans Kwoze

Isaiah 28:2

En un, a vang a lian, a hat mahmah mi khat Topa in nei hi. A susia huihpi gialpi, tuikhang le a thahat huihpi bangin amah in leilak dengawpna ding hi.

Thukhente 5:20

Vantung panin aksite in do uh a, amau paina ciat panin Sisera do uh hi.

Mangmuhna 16:21

Gial gol pipi, khat ciangin tawi sawmthum val a gik, van panin mite tungah hong kia hi. Tua gimna nasialua ahih manin tua gialte hangin mite in Pasian a samsia uh hi.

Mangmuhna 11:19

Tua ciangin vantungah a om Pasian biakna innpi kihong a, a Thuciamna Singkuang zong biakinn sungah a om a kimu hi. Tua ciangin nakpitakin khua phia-in a ging lianpi om a, van gingin zin ling a, gialpi a kia hi.

Ezekiel 13:11

Tu-in na kulh zut uh kicim hi. Tu-in guahpi ka zusak ding a, gialpite in tua kulh kha-in huihpi hat in mutgawp ding hi.

Isaiah 30:30

Topa in heh mahmahna le a kangtum thei meikuang sung panin vanging, huihpi, le gialpi tawh, ama liatna minthanna aw kizasakin, ama khut a vik sukna kimusak ding hi.

Late 11:6

Amah in migilote tungah mei-am le kaat zusak ding a, amau’ ngah ding gimna huihsa mahmah hi ding hi.

Piancilna 19:24

Tua ciangin Topa in vantung panin Sodom le Gomorrah khuate tungah kaat le meikuang zusak hi.

JOB (Job) 38:22

“Vuk a kikoihna munah nang va lut ngei a, gial a kikhopna mun va mu ngei na hi hiam?

Thu-hilhkikna 20:4

Bang hang hiam cih leh note tungah gualzawhna a hong pia ding, na langte uh hong dosak dingin note tawh hong kuan khawm pa pen Topa na Pasian uh ahi hi,’ ci ding hi.

2 SAMUEL NIHNA 18:8

Tua gam maitang tung khempeuhah galkikapna omkim hi. Tua ni-in namsau’ thah sangin thudang hangin tulakah a si mi tamzaw hi.

JOB (Job) 38:23

Tuate, lungkham huna ding, gal om hun cianga dingin ka koihcing ahi hi.

Late 147:17

Amah in suangtum bangin tuikhalte hong lawnkhia hi. Tua a votna kua in thuakzo ding ahi hiam?

Isaiah 28:21

Bang hang hiam cih leh a lamdang ama bawlte a bawl ding le a lamdang ama nasep a sem dingin Perazim Mual tungah a sep bangin Topa in hong sem ding a, Gibeon kuama a heh bangin amah hong heh ding hi.