Joshua 10:1 - Tedim Bible

¹ Joshua in Ai a lakna zia, le Jerikho le a kumpipa tungah a bawl bangin Ai le a kumpipa tungah a bawlna, le Gibeon khuasunga teng mite in Israel-te tawh kilemna a bawlna le amaute lakah a omna thu Jerusalem kumpipa Adonizedek in a zak ciangin

Tedim Bible Revision 2017

¹ Joshua in Ai a lakna zia le Jerikho le a kumpipa tungah a bawl bangin Ai le a kumpipa tungah a bawlna le Gibeon khua sunga teeng mite in Israel-te tawh kilemna a bawlna le amaute lakah a omna thu Jerusalem kumpipa Adonizedek in a zak ciangin

Joshua 10:1 Referans Kwoze

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasian’ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

Joshua 8:2

Jerikho le a kumpipa tungah na bawl bangin Ai le a kumpipa tungah na bawl ding a, a van kinusiate le a ganhingte bek note a dingin na la ding uh hi. A khuapi nungah a khuapi a sim dingin na buksim ding uh hi,” a ci hi.

Joshua 6:21

Tua ciangin amaute in khuapi sunga om khempeuh numei le pasal, a moi a ham, bawngtalte, tuute, le late khempeuh namsau tawh thatmang khin uh hi.

Piancilna 14:18

Tua ciangin Jerusalem kumpipa Melkhizedek in an le leenggahzu hong pusuah hi. Amah pen Sang Pen Pasian’ siampi zong ahi hi.

Joshua 8:21

A buksimte in khuapi a lak khitna le khuapi meikhu a kahtohna Joshua le Israel khempeuh in a muh uh ciangin amaute kihei kikin Ai mite vatgawp uh hi.

Joshua 10:3

Tua ahih ciangin Jerusalem kumpipa Adonizedek in Hebron kumpipa Hoham kiang, Jarmuth kumpipa Piram kiang, Lakhish kumpipa Jafia kiang, le Eglon kumpipa Debir kiangah kamtai sawlin,

Joshua 9:3

Ahih hangin Gibeon khua-a teng mite in Jerikho le Ai tungah Joshua’ hihnasa thu a zak uh ciangin