Joshua 1:17 - Tedim Bible

¹⁷ Na khempeuhah Moses’ thu ka man’ uh mah bangin nangma thu zong kong mang ding uh hi. Moses a ompih mah bangin Topa na Pasian in nang hong ompih ta hen!

Tedim Bible Revision 2017

¹⁷ Na khempeuh ah Mosesʼ thu ka man uh mah bangin nangma thu zong kong mang ding uh hi. Moses a ompih mah bangin Topa na Pasian in nang hong ompih tahen!

Joshua 1:17 Referans Kwoze

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei ding a, kong nusia kei ding hi.

1 KUMPI MASATE 1:37

Topa in ka to kumpipa a ompih mah bangin Solomon zong ompih hen la, ka to Kumpi David’ tokhom sangin ama tokhom lianzaw sak hen,” a ci hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Late 20:9

Topa aw, kumpipa tungah gualzawhna pia inla, kong sap ciangun hong dawng in.

Late 20:4

Na lungsim’ deihna amah in hong pia hen la, na geelna khempeuh hong tangtungsak ta hen!

Late 20:1

Gimna na thuak ciangin Topa in nang hong en hen la, Jakob’ Pasian in nangmah hong dal ta hen!

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topa’ biakinn sung nasepna khempeuh a kizawh matengin amah in nang hong tamasak lo ding a, hong nusia lo ding hi.

1 SAMUEL MASA 20:13

Ahih hangin nang tungah siatna bawl nading in ka pa a lungkimsak leh, a muanhuaina-ah nang na pai theih nadingin nang kiangah a thu kong pulak kei a, nang kong sawlkhiat kei taak leh Topa in keimah Jonathan hong dawm kei tahen. Topa in ka pa a ompih mah bangin nang zong hong ompih tahen.

Joshua 1:16

Amaute in Joshua dawngin, “Kote nong thupiak khempeuh ka hih ding uh a, nong sawlna peuhpeuhah ka pai ding uh hi.

Joshua 1:18

Na thupiakna le na thute, na thupiak peuhpeuh hong langpangin a mang lo mipa kithat ding hi. Thahat inla hang in,” a ci uh hi.

Gamlak-vakna 27:18

Topa in Moses kiangah, “Nun’ tapa Joshua, siamna a nei mipa la inla, ama tungah na khut nga in.

Gamlak-vakna 27:20

Israel mihon khempeuh in ama thu a man’ theih nadingin thuneihna pawlkhat amah na guan ding hi.

Thu-hilhkikna 34:9

Tua ciangin Moses in, ama tungah a khut nga khin ahih manin Nun tapa Joshua lungsim pilna tawh a kidim hi. Tua ahih ciangin Israel mite in ama thu mangin, Topa in Moses a thupiaksa bangin a gamta uh hi.

Joshua 4:14

Tua ni-in Israel-te khempeuh’ muhna-ah Topa in Joshua liansak hi. Amaute in Moses lamdangsa-in a om uh mah bangin Joshua a nuntak sung tawntung lamdangsa-in a om uh hi.

1 SAMUEL MASA 17:37

Tua ciangin David in, “Humpinelkai khecin le vom khecin panin kei a hong honkhia Topa in hih Filistia-pa’ khutsung panin zong kei hong honkhia ding hi,” ci thuah lai hi. Tua ciangin Saul in David kiangah, “Pai in; Topa in nang hong ompih ta hen!” a ci hi.

2 SAMUEL NIHNA 14:17

Na nasemnu in, ‘Ka to kumpipa’ kammal in nopsakna hong pia ding hi,’ ci-in ngaihsun hi; bang hang hiam cih leh ka to kumpipa pen a pha le a sia a khenthei dingin Pasian’ vantungmi tawh kibang hi. Topa na Pasian in nang hong ompih ta hen!” a ci hi.